ەۋرووداق ەلدەرى، اقش، كانادا جانە ۇلىبريتانيا رەسەيلىك بانكتەردى رەسەيدىڭ ۋكرايناعا باسىپ كىرۋىنە بايلانىستى سانكتسيالارعا ۇشىراعان SWIFT حالىقارالىق بانك جۇيەسىنەن اجىراتۋعا كەلىستى، دەپ حابارلايدى "ادىرنا" ۇلتتىق پورتالى.
ەۋروپالىق كوميسسيا، فرانتسيا، گەرمانيا، يتاليا، ۇلىبريتانيا، كانادا جانە اقش بىرلەسكەن مالىمدەمەسىندە:" بۇل بانكتەردىڭ حالىقارالىق قارجى جۇيەسىنەن اجىراتىلۋىن قامتاماسىز ەتەدى جانە ولاردىڭ جاھاندىق دەڭگەيدە جۇمىس ىستەۋ قابىلەتىنە نۇقسان كەلتىرەدى", - دەلىنگەن.
ء"بىز ءپۋتيننىڭ ۋكراينا حالقىنا قارسى ادەيى جۇرگىزىپ جاتقان سوعىسىن ايىپتايمىز. ءبىز رەسەيدى جاۋاپقا تارتامىز جانە بۇل سوعىس پۋتين ءۇشىن ستراتەگيالىق ساتسىزدىككە اينالۋىن بىرلەسىپ قامتاماسىز ەتەمىز", - دەلىنگەن قۇجاتتا.
قاجەت بولسا، رەسەيدىڭ باسقا بانكتەرى دە SWIFT-تەن اجىراتىلادى، دەدى گەرمانيا ۇكىمەتىنىڭ رەسمي وكىلى شتەففەن حەبەشترايت.
"حالىقارالىق قاۋىمداستىقتىڭ سانكتسيالارىنا ۇشىراعان بارلىق رەسەيلىك بانكتەر، قاجەت بولعان جاعدايدا باسقا رەسەيلىك بانكتەر SWIFT حالىقارالىق تولەم جۇيەسىنەن شىعارىلادى. وسىلايشا، بۇل ينستيتۋتتار حالىقارالىق قارجى اعىندارىنان الىنىپ تاستالۋى كەرەك، بۇل ولاردىڭ جاھاندىق قىزمەتىن شەكتەيدى", - دەدى حەبەشترايت.
"ادىرنا" ۇلتتىق پورتالى
