Euroodaq elderı, AQŞ, Kanada jäne Ūlybritaniia reseilık bankterdı Reseidıŋ Ukrainaǧa basyp kıruıne bailanysty sanksiialarǧa ūşyraǧan SWIFT halyqaralyq bank jüiesınen ajyratuǧa kelıstı, dep habarlaidy "Adyrna" ūlttyq portaly.
Europalyq komissiia, Fransiia, Germaniia, İtaliia, Ūlybritaniia, Kanada jäne AQŞ bırlesken mälımdemesınde:" Būl bankterdıŋ halyqaralyq qarjy jüiesınen ajyratyluyn qamtamasyz etedı jäne olardyŋ jahandyq deŋgeide jūmys ısteu qabıletıne nūqsan keltıredı", - delıngen.
"Bız Putinnıŋ Ukraina halqyna qarsy ädeiı jürgızıp jatqan soǧysyn aiyptaimyz. Bız Reseidı jauapqa tartamyz jäne būl soǧys Putin üşın strategiialyq sätsızdıkke ainaluyn bırlesıp qamtamasyz etemız", - delıngen qūjatta.Qajet bolsa, Reseidıŋ basqa bankterı de SWIFT-ten ajyratylady, dedı Germaniia ükımetınıŋ resmi ökılı Şteffen Hebeştrait.
"Halyqaralyq qauymdastyqtyŋ sanksiialaryna ūşyraǧan barlyq reseilık bankter, qajet bolǧan jaǧdaida basqa reseilık bankter SWIFT halyqaralyq tölem jüiesınen şyǧarylady. Osylaişa, būl instituttar halyqaralyq qarjy aǧyndarynan alynyp tastaluy kerek, būl olardyŋ jahandyq qyzmetın şekteidı", - dedı Hebeştrait.
"Adyrna" ūlttyq portaly
