قر ۇقك شەكارا اكادەمياسىنا باعى جانىپ وقۋعا تۇسكەن كۋرسانتتار تەك قانا شەكاراشى ماماندىعىن عانا مەڭگەرۋمەن شەكتەلمەيدى. قولىنا قارۋ الىپ وتانعا قىزمەتتى ابىرويلى مىندەت دەپ تۇسىنگەن ولاردىڭ جۇمىلعان جۇدىرىقتاي جيىرىلعاندا المايتىن قامالى جوق. اسىرەسە، سپورتتى جانىنا سەرىك ەتكەن بولاشاق شەكاراشى وفيتسەرلەر سپورتتىق جارىستاردا اكادەميانىڭ ابىرويىن اسقاقتاتىپ، بەدەلىن بيىكتەتىپ كەلەدى.
الماتى قالاسىندا ۇيىمداستىرىلعان كەز-كەلگەن جارىستىڭ بەل ورتاسىنان تابىلاتىن شەكاراشىلار بۇل جولى 2022 جىلدىڭ 11-13 اقپان ارالىعىندا مما فەدەراتسياسىنىڭ كۇنتىزبەلىك جۇمىس جوسپارىنا سايكەس ارالاس جاۋىنگەرلىك جەكپە-جەك چەمپيوناتىنىڭ ىرىكتەۋىنەن سۇرىنبەي ءوتتى. اتالمىش جارىستا 2-ءشى جانە 4-وقۋ ديۆيزيوندارىنىڭ ءبىر وفيتسەرى مەن بەس كۋرسانتى قاتىسىپ، ءبىر كوماندانى قۇرادى. ىرىكتەۋ بارىسىندا 2-وقۋ ديۆيزيونىنىڭ زاستاۆا باستىعى لەيتەنانت ن.اليمگازين 65 كۋرسانت ب.سەريككازين 61 كەلى سالماقتا ونەر كورسەتىپ ەكەۋى دە ءۇشىنشى ورىنعا تۇراقتادى.
ال 18-19 اقپان ارالىعىندا الماتى قالاسىندا جەكپە-جەكتىڭ ۇلتتىق سپورت تۇرىنەن ۇيىمداستىرىلعان چەمپيوناتقا 3-ءشى جانە 4-وقۋ ديۆيزيوندارىنىڭ جيىرما كۋرسانتى قاتىستى. سايىسقا قاتىسقان 20 كوماندانىڭ اراسىنان شەكاراشى كۋرسانتتاردىڭ ۇشەۋى ءبىرىنشى، تورتەۋى ەكىنشى جانە تاعى تورتەۋى ءۇشىنشى ورىندى يەلەنگەن ەكەن.
ەندى نامىستى قولدان بەرمەگەن كۋرسانتتاردى اتاپ وتسەك. ولار:
- 65 كەلى سالماق دارەجەسىندە ءبىرىنشى ورىن العان ەفرەيتور ا.بازارباي
- 75 كەلى سالماق دارەجەسىندە ءبىرىنشى ورىن العان كۋرسانت ر.ساديرباەۆ
- 85 كەلىگە دەيىنگى سالماق ساناتىندا ءبىرىنشى ورىن العان ەفرەيتور س.كونىسبەك
- 65 كەلىگە دەيىن سالماق دارەجەسىندە كۋرسانت ا.ورالبەك ەكىنشى ورىن
- 70 كەلىگە دەيىن سالماق دارەجەسىندە كۋرسانت م.دوۆىدەنكو ەكىنشى ورىن
- 75 كەلىگە دەيىن سالماق دارەجەسىندە كۋرسانت ب.ەسبولاتوۆ ەكىنشى ورىن
- 85 كەلىگە دەيىن سالماق دارەجەسىندە كۋرسانت ە.كونىروۆ ەكىنشى ورىن
- 60 كەلى سالماق ساناتىندا كۋرسانت ب.جومارتوۆ ءۇشىنشى ورىن
- 75 كەلىگە دەيىن سالماق دارەجەسىندە كۋرسانت د.ارناي ءۇشىنشى ورىن
- 80 كەلىگە دەيىن سالماق دارەجەسىندە كۋرسانت ج.قابىلجان ءۇشىنشى ورىن
- 85 كەلىدەن جوعارى سالماق دارەجەسىندە كۋرسانت ە.امانگەلدينوۆ ءۇشىنشى ورىن
ايتا كەتۋ كەرەك، شەكاراشى كۋرسانتتاردىڭ باسى-قاسىندا ءجۇرىپ، ولاردىڭ بيىك تۇعىردان كورىنۋىنە ات سالىسىپ جاتپاي-تۇرماي جاتتىقتىرىپ جۇرگەن 1-فاكۋلتەتتىڭ 12-ارنايى كافەدراسىنىڭ (دەنە شىنىقتىرۋ دايىندىعى) سپورت نۇسقاۋشىسى قاتارداعى جاۋىنگەر حالىقارالىق دارەجەدەگى سپورت شەبەرى ق.نۇرعاليەۆتىڭ تىنىمسىز ەڭبەگى قانداي قۇرمەتكە دە لايىقتى. وسى ءبىر اسىل ازاماتتىڭ ارقاسىندا جوعارىداعى شەكاراشى كۋرسانتتار وسىنداي جەتىستىككە جەتىپ وتىر.
شەكارا اكادەمياسىنىڭ كۋرسانتتارىنان بولەك شەكاراشى وفيتسەرلەر دە سپورت دەسە ىشكەن اسىن جەرگە قويادى. ونىڭ ايقىن دالەلى 2022 جىلدىڭ 19 اقپانىندا الماتى قالاسىندا «سمەلوست بىت پەرۆىم» قايىرىمدىلىق قورىنىڭ قامقورلىعىمەن 10 شاقىرىمعا جۇگىرۋدەن قىسقى جۇگىرۋ سايىسى ءوتتى. اسكەري قىزمەتشىلەردىڭ سپورتتىق شەبەرلىكتەرىن كوتەرۋ ماقساتىندا جانە ەكستريمالدىق دەنە جانە پسيحيكالىق جۇكتەمەلەرىنە توتەپ بەرۋ قابىلەتتەرىن قالىپتاستىرۋ ءۇشىن اتالمىش سايىسقا پودپولكوۆنيك ە.سۋيۋنوۆ، مايورلار د.شينگاليەۆ، د.كەنجەتاەۆ، 3 دارەجەلى كەلىسىمشارت قىزمەتىنىڭ سەرجانتتارى ە.بيزجانوۆ، ە.اناپياەۆ، سەرجانت ل.يسلامباكيەۆ، قاتارداعى جاۋىنگەر ر.قادىربەك قاتىسىپ، مارەلىك مەدالدارمەن ماراپاتتالدى.
جانات جابىربەكوۆ،
قر ۇقك شەكارا اكادەمياسىنىڭ
ءباسپاسوز حاتشىسى
