قوعام قايراتكەرى سەرىك ەرعالي ءوزىنىڭ Facebook-تەگى پاراقشاسىندا "العىس ايتۋ كۇنىنە" قاتىست ءوزىنىڭ پىكىرىن ءبىلدىردى، دەپ جازادى "ادىرنا" ۇلتتىق پورتالى.
"قازاقتا راقمەت دەگەن ءسوز دە، وڭدى-سولدى العىس ايتۋ دا بولا قويماعان. ول - قازاقتىڭ "نەبلاگودارنىيلىعىنان" ەمەس. كەرىسىنشە قازاق ءۇشىن جاقسىلىق ىستەۋدى قايتارىم كۇتپەيتىن، كادۋىلگە ءسىڭىستى مورالدى بولعاندىعىنان. "راقمەت" ءسوزىنىڭ ءوزى بەرتىندە، بالكىم سوۆەت داۋىرىندە پايدا بولعان كالكا بولۋ كەرەك: "سپاسي، بوجە" سەكىلدى - "راقىم ەت!" قازاقتا ەجەلدەن بەرى كەلە جاتقان العىس ءسوزى "ساۋ بول!" بۇنى كوبىنە كا"زىر باتىس جاقتا ايتادى. ازەربايجانداردا وعىزداردان بەرى كەلە جاتقان نۇسقاسى بار: "ساۋ ول!" تورىكتەردە جاقسىلىق جاساۋ ساۋاپ جيناۋدىڭ ءبىر ءتاسىلى - ول ءۇشىن "راقمەت" كەرەك ەمەس.قازاق ىستەگەن ىسىنە راقمەت كۇتۋدى ەرسى كورگەن حالىق. العىس الۋدان ۇيالعان حالىق. كەرىسىنشە ونىڭ ورنىنا باتا الۋعا قۇمارتقان حالىق! سول سەبەپتى ءبىر كۇندى العىس ايتۋ كۇنى دەگەن سۋايت شەشىم دە قازاققا مۇلدەم كەرەعار ەرسى نارسە!" دەپ جازدى ول.
"ادىرنا" ۇلتتىق پورتالى
