Qoǵam qaıratkeri Serik Erǵalı óziniń Facebook-tegi paraqshasynda "Alǵys aıtý kúnine" qatyst óziniń pikirin bildirdi, dep jazady "Adyrna" ulttyq portaly.
"Qazaqta raqmet degen sóz de, ońdy-soldy alǵys aıtý da bola qoımaǵan. Ol - qazaqtyń "neblagodarnyılyǵynan" emes. Kerisinshe qazaq úshin jaqsylyq isteýdi qaıtarym kútpeıtin, kádýilge sińisti moraldy bolǵandyǵynan. "Raqmet" sóziniń ózi bertinde, bálkim sovet dáýirinde paıda bolǵan kalka bolý kerek: "Spası, boje" sekildi - "Raqym et!" Qazaqta ejelden beri kele jatqan alǵys sózi "Saý bol!" Buny kóbine ká"zir batys jaqta aıtady. Ázerbaıjandarda oǵyzdardan beri kele jatqan nusqasy bar: "Saý ol!" Tórikterde jaqsylyq jasaý saýap jınaýdyń bir tásili - ol úshin "raqmet" kerek emes.Qazaq istegen isine raqmet kútýdi ersi kórgen halyq. Alǵys alýdan uıalǵan halyq. Kerisinshe onyń ornyna bata alýǵa qumartqan halyq! Sol sebepti bir kúndi Alǵys aıtý kúni degen sýaıt sheshim de qazaqqa múldem kereǵar ersi nárse!" dep jazdy ol.
"Adyrna" ulttyq portaly
