45 jyldan astam uaqytyn bala tärbiesı men bılımge arnaǧan astanalyq ardager ūstaz Kunymbala İztoleuovna jaŋa oqu jyly qarsaŋynda jürekjardy jazba jariialap, Oqu-aǧartu ministrı Ǧani Bektaiūlyna alǧysyn bıldırdı, dep habarlaidy "Adyrna" portaly Democrat.kz saityna sıltep.
Ardager ūstaz öz sözınde elımızdegı bılım salasyndaǧy jaǧymdy özgerısterge riza ekenın aityp, äsırese, Prezidenttıŋ tapsyrmasymen qolǧa alynǧan «Keleşek mektepter» jobasy, ūstazdarǧa jasalǧan qoldau, balabaqşa tärbieşılerınıŋ jalaqysynyŋ ösuı - bılım salasyndaǧy jetıstıkterdıŋ körsetkışı dep baǧalady.
“Men 45 jyldan astam uaqyt ūstaz, Ädıstemelık kabinettıŋ ädıskerı, mektep basşysy bolyp qyzmet atqardym. Astana qalasy Ardagerler keŋesınıŋ müşesı retınde 2025-2026 jaŋa oqu jylynyŋ aldynda özımnıŋ oi-pıkırımdı bölıskım keledı. Köptegen jaqsy özgerısterdı estıp-bılıp, quanyp otyramyn.
Bırınşıden, Prezidenttıŋ tapsyrmasy negızınde aşylǧan «Keleşek mektepter» jobasyn Ardagerler keŋesınıŋ müşelerı közımen körıp, riza boldy. «Keleşek mektepter» qūrylymynda balalarǧa jaqsy jaǧdai jasalyp, bılım sapasy men tärbie jūmysy erekşe jandanatyny sözsız. Ūstazdar qauymy balalardy jaqsy köŋıl-küimen qarsy alsa, odan artyq ne kerek?!
Ekınşıden, bılım salasynda köptegen reformalyq özgerıster boldy, Prezidenttıŋ qoldauymen Mektepke deiıngı bılım beru mekemelerı, balabaqşa tärbieşılerınıŋ qosymşa jalaqysy östı. «Pedagog märtebesı» zaŋy aiasynda bırşama jūmys atqarylyp, ıske asyp jatqanyn halyq körıp, oŋ baǧasyn berıp keledı. Qanşama ūstazdy qoldap, būryn marapat jetpeitın tükpırde ornalasqan mektep pedagogterınıŋ şynaiy eŋbegın baǧaladyŋyz. Mūnyŋ bärı Sızdıŋ ūstazǧa degen şynaiy köŋılıŋız, zor qūrmetıŋız dep bılemız!” degen ardager ūstaz oquşylarymyzdyŋ Halyqaralyq olimpiadaǧa qatysyp, jeŋıspen oraluy - mūǧalımderdıŋ eren eŋbegınıŋ arqasy ekenın tılge tiek ettı.
Sondai-aq Kunumbala İztoleuovna öz jazbasynda oquşylardyŋ ministrge hat jazyp, olardyŋ zamanaui türde öz oilary men pıkırlerın aşyq, erkın jetkızgenı - asa maŋyzdy sätterdıŋ bırı ekenın atap öttı.
“Hat arqyly jas ūrpaqtyŋ oi-armany, alǧa qoiǧan maqsattary, özındık közqarasy, ūsynystary aiqyn körındı.
Mektep basşylarymen de bırneşe ret kezdesu ötkızdıŋız, osy salada, basqaru ısterınde köşbasşylyq täjıribesı bar qairatker, ardager ūstazdar A. Bimendina, J. Qasymbektıŋ jas basşylarmen kezdesuı bılımdı jas mamandarǧa qoldau, süiemeldeu retınde septıgın tigızdı ärı tälımgerlık jüienıŋ zamanaui damu satysyn körsettı.
Al ata-analarmen kezdesudıŋ jönı bölek, äserı airyqşa. Är balanyŋ tynys-tırşılıgı, köŋıl küiı otbasyndaǧy ahualǧa bailanysty, sol sebeptı mektepterde ata-analardyŋ qoldauynsyz ol jūmystyŋ nätijesı bolmaidy. Barlyq mäsele otbasyndaǧy tärbie men mektep tälımınıŋ bırlesken yntymaqtastyǧynda dep bılemız.
Astanalyq ardager, qairatker ūstazdar qauymy atynan Qazaqstan Respublikasy Oqu-aǧartu ministrlıgınıŋ atqarǧan jūmystary men jobalary jalǧasyn tabady dep senemız!”, dep jazdy Kunumbala İztoleuovna.
“Ne degen simvolizm?!”: Bügın Zelenskii Toqaevqa alǧysyn, al Lavrov Tasmaǧambetovke senımın bıldırdı
