وبلىستا 1,3 ملن. ادامنىڭ تابيعي گاز پايدالانۋىنا جاعداي جاساۋ ءۇشىن بولىنگەن قارجى كولەمىنىڭ اۋقىمدىلىعىنا قاراماستان بۇگىنگى كۇنى ءىس جۇزىندە گازدى وبلىستىڭ 702 مىڭنان استام تۇرعىنى نەمەسە 54% پايدالانىپ وتىر. «ياعني ەلدى مەكەندەردى گازداندىرۋ مەن حالىقتىڭ تۇرمىس ساپاسىن جاقسارتۋ باعىتىنداعى نەگىزگى ماقساتقا قول جەتكىزىلمەگەن»، - دەدى وبلىس اكىمى قانات بوزىمباەۆ گازداندىرۋ تۋرالى وتكەن جيىندا.
"جەتىسۋوبلگاز" جشس باس ديرەكتورى زياش قياقباەۆتىڭ ايتۋىنشا، الماتى وبلىسىنداعى 742 ەلدى مەكەننىڭ 473-ءى گازداندىرۋعا جاتادى. سونىڭ 164-ىنە گاز جەتكىزىلگەن، 2021 جىلدىڭ سوڭىندا وبلىس تۇرعىندارىنىڭ 63,5%-ءنىڭ گازعا قوسىلۋىنا مۇمكىندىك جاسالدى. جالپى وڭ ديناميكا بار بولعانىنا قاراماستان 2017 جىلدىڭ مامىرىنان 2022 جىلدىڭ قاڭتارىنا دەيىن وبلىس ورتالىعىندا 30 مىڭنان استام ابونەنت نەمەسە 55,3% تۇرعىن گازعا قوسىلعان. بۇل قاتاردا ىلە، تالعار، جامبىل، قاراساي، قاراتال، كەربۇلاق، كوكسۋ، بالقاش اۋداندارىنداعى 14 ەلدى مەكەندە بار. دەگەنمەن جاقسى جاڭالىقتار دا بار. بيىلعى جىلدىڭ قورىتىندىسى بويىنشا گازعا وبلىستىڭ 33 ەلدى مەكەنى قوسىلىپ، 78 مىڭ ادام گازدىڭ يگىلىگىن كورەدى دەپ جوسپارلانعان. مەملەكەتتىك-جەكەمەنشىك ارىپتەستىك شەڭبەرىندە جالپى قۇنى 4,1 ملرد.تەڭگە بولاتىن 5 جوبا جۇزەگە استى. ولار كەربۇلاق اۋدانى سارىوزەك اۋىلىن، تالعار اۋدانى جالعامىس، اقتاس، اقدالا اۋىلدارىن، بالقاش اۋدانى باقاناس اۋىلىن قامتىدى.
جيىندا، وبلىس اكىمى قانات بوزىمباەۆ اۋدان اكىمدىكتەرى مەن ينۆەستورلاردى بىرلەسىپ جۇمىس ىستەۋگە شاقىردى.
- تالعار اۋدانى كىشى بايسەركە اۋىلىنىڭ تۇرعىندارىنىڭ ينۆەستورلار جۇمىسىنا كوڭىلى تولمايدى. ماسەلە نەدەن تۋىنداپ وتىر؟ بۇل جەردە ينۆەستورلاردىڭ ەسەبىنەن جۇرگىزىلگەن جۇيەلەر جارامدى ما، جوق پا، بار بولعانى سونى انىقتاۋ كەرەك. ەگەر جارامدى بولسا، ونى جوباعا ەنگىزىپ، پايدالانۋ كەرەك. جارامسىز بولسا، ينۆەستورلار ءوز قارجىسىنا جۇمساپ، تارتىلعان جۇيەنى الىپ تاستاسىن، وعان قوسا سوتتىڭ شەشىمى دە بار. شارا قابىلداۋدى ۇزاققا سوزباڭىزدار، شيراق قيمىلداڭىزدار. گازعا قوسىلۋ قۇنىن اسپانداتپاي، قولجەتىمدى ەتۋىمىز كەرەك. ينۆەستورلار ەسەبىنەن گازداندىرۋدىڭ ءتيىستى ەرەجەسىن دايىنداۋىمىز كەرەك. بىزگە ينۆەستيتسياعا تارتىمدى، ورىندى جۇيە قاجەت. ءبىز بيۋدجەت ەسەبىنەن گازداندىرۋدى جالعاستىرامىز، مۇمكىندىك بولسا ينۆەستورلاردى تارتامىز، - دەدى ق.بوزىمباەۆ.
سونداي-اق، ءوڭىر باسشىسى گازداندىرۋ باياۋ ءجۇرىپ جاتقان ۇيعىر، ەڭبەكشىقازاق اۋداندارىنداعى ومى جۇمىستى ەرەكشە باقىلاۋعا الۋ قاجەتتىگىن ايتتى.
جالپى 2014-2020 جج. الماتى وبلىسىندا گازداندىرۋ سالاسىنا 101,1 ملرد.تەڭگە بولىنگەن، سونىڭ 74,1 ملرد.تەڭگەسى - بيۋدجەت قارجىسى، 12,5 ملرد. تەڭگەسى - «قازترانسگاز» اق قاراجاتى، 14,5 ملرد. تەڭگەسى - جەكە ينۆەستيتسيا.
