Oblysta 1,3 mln. adamnyŋ tabiǧi gaz paidalanuyna jaǧdai jasau üşın bölıngen qarjy kölemınıŋ auqymdylyǧyna qaramastan bügıngı künı ıs jüzınde gazdy oblystyŋ 702 myŋnan astam tūrǧyny nemese 54% paidalanyp otyr. «Iаǧni eldı mekenderdı gazdandyru men halyqtyŋ tūrmys sapasyn jaqsartu baǧytyndaǧy negızgı maqsatqa qol jetkızılmegen», - dedı oblys äkımı Qanat Bozymbaev gazdandyru turaly ötken jiynda.
"JetısuOblGaz" JŞS bas direktory Ziiaş Qiiaqbaevtyŋ aituynşa, Almaty oblysyndaǧy 742 eldı mekennıŋ 473-ı gazdandyruǧa jatady. Sonyŋ 164-ıne gaz jetkızılgen, 2021 jyldyŋ soŋynda oblys tūrǧyndarynyŋ 63,5%-nıŋ gazǧa qosyluyna mümkındık jasaldy. Jalpy oŋ dinamika bar bolǧanyna qaramastan 2017 jyldyŋ mamyrynan 2022 jyldyŋ qaŋtaryna deiın oblys ortalyǧynda 30 myŋnan astam abonent nemese 55,3% tūrǧyn gazǧa qosylǧan. Būl qatarda Ile, Talǧar, Jambyl, Qarasai, Qaratal, Kerbūlaq, Köksu, Balqaş audandaryndaǧy 14 eldı mekende bar. Degenmen jaqsy jaŋalyqtar da bar. Biylǧy jyldyŋ qorytyndysy boiynşa gazǧa oblystyŋ 33 eldı mekenı qosylyp, 78 myŋ adam gazdyŋ igılıgın köredı dep josparlanǧan. Memlekettık-jekemenşık ärıptestık şeŋberınde jalpy qūny 4,1 mlrd.teŋge bolatyn 5 joba jüzege asty. Olar Kerbūlaq audany Saryözek auylyn, Talǧar audany Jalǧamys, Aqtas, Aqdala auyldaryn, Balqaş audany Baqanas auylyn qamtydy.
Jiynda, oblys äkımı Qanat Bozymbaev audan äkımdıkterı men investorlardy bırlesıp jūmys ısteuge şaqyrdy.
- Talǧar audany Kışı Baiserke auylynyŋ tūrǧyndarynyŋ investorlar jūmysyna köŋılı tolmaidy. Mäsele neden tuyndap otyr? Būl jerde investorlardyŋ esebınen jürgızılgen jüieler jaramdy ma, joq pa, bar bolǧany sony anyqtau kerek. Eger jaramdy bolsa, ony jobaǧa engızıp, paidalanu kerek. Jaramsyz bolsa, investorlar öz qarjysyna jūmsap, tartylǧan jüienı alyp tastasyn, oǧan qosa sottyŋ şeşımı de bar. Şara qabyldaudy ūzaqqa sozbaŋyzdar, şiraq qimyldaŋyzdar. Gazǧa qosylu qūnyn aspandatpai, qoljetımdı etuımız kerek. İnvestorlar esebınen gazdandyrudyŋ tiıstı erejesın daiyndauymyz kerek. Bızge investisiiaǧa tartymdy, oryndy jüie qajet. Bız biudjet esebınen gazdandyrudy jalǧastyramyz, mümkındık bolsa investorlardy tartamyz, - dedı Q.Bozymbaev.Sondai-aq, öŋır basşysy gazdandyru baiau jürıp jatqan Ūiǧyr, Eŋbekşıqazaq audandaryndaǧy omy jūmysty erekşe baqylauǧa alu qajettıgın aitty. Jalpy 2014-2020 jj. Almaty oblysynda gazdandyru salasyna 101,1 mlrd.teŋge bölıngen, sonyŋ 74,1 mlrd.teŋgesı - biudjet qarjysy, 12,5 mlrd. teŋgesı - «QazTransGaz» AQ qarajaty, 14,5 mlrd. teŋgesı - jeke investisiia.
