زەلەنسكي حالقىنا جاساعان كەزەكتى ۇندەۋىندە رەسەيگە ۋكراينا جەرىنە، ءار ادامىنا تيگەن شىعىندى وتەيسىڭدەر دەدى. بۇل تۋرالى “ادىرنا” ۇلتتىق پورتالى حابارلايدى.
"رەسەيدىڭ ۋكراينا قالالارىنا جاساعان زىمىران-بومبالىق سوققىلارى ولاردىڭ ءبىزدىڭ جەرىمىزدە باسقا ەشتەڭە جاساي الماعانىن كورسەتەدى. قورعانىس شەبىمىز تولىعىمەن ساقتالدى. ستراتەگيالىق باعىتتاردىڭ بارلىعىندا جاۋ ناتيجەگە جەتە المادى. ولار باسىپ-جانشىلعان", – دەدى زەلەنسكي.
ء"بىز ءار ءۇيدى، ءار كوشەنى، قالانى قالپىنا كەلتىرەمىز. رەسەيگە ايتارىمىز: رەپاراتسيا مەن كونتريبۋتسيا سوزدەرىن جاتتاڭىزدار. ەلىمىزگە، ءار ۋكراينالىققا قارسى جاساعاننىڭ بارلىعىن وتەيسىڭدەر", – دەدى ول.
"بىزگە قارسى، ۋكراينانىڭ ەركىن ازاماتىنا قارسى قولدانباعان قارۋلارىڭ قالمادى. ەندى ءوز ارانداتۋشىلارىڭا ۋكرايناعا گۋمانيتارلىق كومەك كورسەتكەندەرىڭدى ايتىپ جاتىرسىڭدار. ەستەرىڭدە بولسىن، ميلليونداعان ادام قارعاعان كەزدە، سەندەر قۇتىلا المايسىڭدار", – دەپ قوستى ۋكراينا پرەزيدەنتى.
“ادىرنا” ۇلتتىق پورتالى
