شىمكەنت قالاسىندا بيىل ەكىنشى جىل قاتارىنان امبەباپ جەكپە-جەكتەن جاسوسپىرىمدەر اراسىندا قر چەمپيوناتى وتۋدە. 03-06 ناۋرىز ارالىعىنا جوسپارلانعان ەل بىرىنشىلىگىنە نۇر-سۇلتان، الماتى، شىمكەنت قالالارىنان، جامبىل، قىزىلوردا، اقتوبە، اتىراۋ، ماڭعىستاۋ، تۇركىستان وبلىستارىنان 200-گە جۋىق جاس سپورتشى جۇلدەلى ورىندارعا تالاسادى.
شىمكەنت قالاسى اكىمىنىڭ ورىنباسارى ماقسۇت يساحوۆ سايىستىڭ سالتاناتتى اشىلۋ راسىمىندە ءىس-شارانىڭ ماڭىزدىلىعىنا توقتالىپ ءوتتى. سونىمەن قاتار، سالتاناتتى جيىنعا ءماجىلىس دەپۋتاتى، Qazaqstan Ardagerleri قاۋىمداستىعىنىڭ توراعاسى باقىتبەك سماعۇل، قالالىق دەنە شىنىقتىرۋ جانە سپورت باسقارماسىنىڭ باسشىسى باۋىرجان تۇمانباەۆ قاتىستى.
بيىلعى قر چەمپيوناتى «امبەباپ جەكپە-جەك جانە سپورتتىق پىشاق لاقتىرۋ فەدەراتسياسى» جانە قالا اكىمدىگىنىڭ قولداۋىمەن ۇيىمداستىرىلدى. سايىستا ۇلدار جانە قىزدار اراسىندا ءتۇرلى سالماق دارەجەلەرىندە ەل ۇزدىكتەرى انىقتالادى.
ايتا كەتسەك، 2021 جىلى قالا سپورتشىلارى امبەباپ جەكپە-جەكتەن وڭ ناتيجەلەرگە قول جەتكىزدى. جاسوسپىرىمدەر اراسىنداعى قر چەمپيوناتىندا 8, جاستار اراسىندا 2, ەرەسەكتەر اراسىندا 3 سپورتشى ءبىرىنشى ورىنعا يەلىك ەتتى. سونىمەن قاتار، انتاليادا وتكەن (تۇركيا) الەم چەمپيوناتىندا شەرىم ءمۇتالىپ LIGHT جانە CLASSIC باسەكەسىندە التىن جۇلدەگە يە بولدى.
