Shymkent qalasynda bıyl ekinshi jyl qatarynan ámbebap jekpe-jekten jasóspirimder arasynda QR chempıonaty ótýde. 03-06 naýryz aralyǵyna josparlanǵan el birinshiligine Nur-Sultan, Almaty, Shymkent qalalarynan, Jambyl, Qyzylorda, Aqtóbe, Atyraý, Mańǵystaý, Túrkistan oblystarynan 200-ge jýyq jas sportshy júldeli oryndarǵa talasady.
Shymkent qalasy ákiminiń orynbasary Maqsut Isahov saıystyń saltanatty ashylý rásiminde is-sharanyń mańyzdylyǵyna toqtalyp ótti. Sonymen qatar, saltanatty jıynǵa Májilis depýtaty, Qazaqstan Ardagerleri qaýymdastyǵynyń tóraǵasy Baqytbek Smaǵul, qalalyq dene shynyqtyrý jáne sport basqarmasynyń basshysy Baýyrjan Tumanbaev qatysty.
Bıylǵy QR chempıonaty «Ámbebap jekpe-jek jáne sporttyq pyshaq laqtyrý federaııasy» jáne qala ákimdiginiń qoldaýymen uıymdastyryldy. Saıysta uldar jáne qyzdar arasynda túrli salmaq dárejelerinde el úzdikteri anyqtalady.
Aıta ketsek, 2021 jyly qala sportshylary ámbebap jekpe-jekten oń nátıjelerge qol jetkizdi. Jasóspirimder arasyndaǵy QR chempıonatynda 8, jastar arasynda 2, eresekter arasynda 3 sportshy birinshi orynǵa ıelik etti. Sonymen qatar, Antalııada ótken (Túrkııa) álem chempıonatynda Sherim Mútálip LIGHT jáne CLASSIC básekesinde altyn júldege ıe boldy.
