"اگرەسسور" ەلدىڭ پرەزيدەنتى ۆلاديمير ءپۋتيننىڭ توڭىرەگىندە جىك-جىككە ءبولىنۋ باستالىپ كەتتى. قازىردىڭ وزىندە ونىڭ اينالاسىنداعى التى وليگارح رەسەيدىڭ ۋكرايناعا قارسى سوعىس اشقانىنا اشىق تۇردە قارسىلىق ءبىلدىردى، دەپ حابارلايدى "ادىرنا" ۇلتتىق پورتالى.
بۇل تۋرالى ۇلتتىق قاۋىپسىزدىك جانە قورعانىس كەڭەسى جانىنداعى جالعان اقپاراتقا قارسى ءىس-قيمىل ورتالىعى حابارلادى. ولاردىڭ بارلىعىنىڭ جالپى كاپيتالى 90 ميلليارد دوللار ەكەنى اتاپ ءوتىلدى.
"قازىر جالپى كاپيتالى 90 ميلليارد دوللاردى قۇرايتىن التى وليگارح رەسەيدىڭ ۋكرايناعا دەگەن اگرەسسياسىنا اشىق تۇردە قارسى شىقتى. سوعىس باستالعالى بەرى ءبىر اپتا ىشىندە رەسەيلىك ميللياردەرلەردىڭ بايلىعى شامامەن 40 ميلليارد دوللارعا ازايدى", - دەلىنگەن حابارلامادا.
سونىمەن، رەسەي اگرەسسياسىنا كەلەسى وليگارحتار قارسىلىق ءبىلدىردى:
- "نوۆاتەك" كومپانياسىنىڭ يەسى لەونيد ميحەلسون،
- "رۋسال" كومپانياسىنىڭ نەگىزىن قالاۋشى ولەگ دەريپاسكا،
- "لۋكويل" اكتسيونەرلىك مۇناي كومپانياسىنىڭ يەسى ۆاگيت الەكپەروۆ،
- "الفا گرۋپ" باسشىسى ميحايل فريدمان جانە ونىڭ سەرىكتەسى پەتر اۆەن،
- بانكير ولەگ تينكوف.
"ادىرنا" ۇلتتىق پورتالى
