"Agressor" eldiń prezıdenti Vladımır Pýtınniń tóńireginde jik-jikke bóliný bastalyp ketti. Qazirdiń ózinde onyń aınalasyndaǵy alty olıgarh Reseıdiń Ýkraınaǵa qarsy soǵys ashqanyna ashyq túrde qarsylyq bildirdi, dep habarlaıdy "Adyrna" ulttyq portaly.
Bul týraly Ulttyq qaýipsizdik jáne qorǵanys keńesi janyndaǵy jalǵan aqparatqa qarsy is-qımyl ortalyǵy habarlady. Olardyń barlyǵynyń jalpy kapıtaly 90 mıllıard dollar ekeni atap ótildi.
"Qazir jalpy kapıtaly 90 mıllıard dollardy quraıtyn alty olıgarh Reseıdiń Ýkraınaǵa degen agressııasyna ashyq túrde qarsy shyqty. Soǵys bastalǵaly beri bir apta ishinde reseılik mıllıarderlerdiń baılyǵy shamamen 40 mıllıard dollarǵa azaıdy", - delingen habarlamada.
Sonymen, Reseı agressııasyna kelesi olıgarhtar qarsylyq bildirdi:
- "Novatek" kompanııasynyń ıesi Leonıd Mıhelson,
- "Rýsal" kompanııasynyń negizin qalaýshy Oleg Derıpaska,
- "Lýkoıl" akıonerlik munaı kompanııasynyń ıesi Vagıt Alekperov,
- "Alfa Grýp" basshysy Mıhaıl Frıdman jáne onyń seriktesi Petr Aven,
- bankır Oleg Tınkof.
"Adyrna" ulttyq portaly
