9 ناۋرىز: ءستاليندى جەرلەۋ راسىمىندە 400 ادام كوز جۇمعان

7738
Adyrna.kz Telegram

1953 جىلى 5-ناۋرىزدا قانىشەر، جاۋىز، تيران ستالين كوز جۇمدى. ونى جەرلەۋ ءراسىمى 9-ناۋرىزعا بەلگىلەنىپ، وعان دەيىن حالىقتىڭ قوشتاسۋىنا مۇمكىندىك بەرىلدى.

ءتىرى كۇنىندە ميلليونداردىڭ جانىن العان تيران، ءولىپ جاتسا دا مىڭداعان ادامنىڭ ولىمىنە سەبەپكەر بولدى.

تيرانمەن قوشتاسۋعا قانشا ادام كەلگەنى ناقتى بەلگىسىز. دەرەكتەر بىرنەشە ميلليون دەيدى. ءستاليننىڭ مۇردەسىن كورۋگە كەلگەن حالىقتىڭ كوپ بولعانى سونشالىق، ماسكەۋدە سۇمدىق قىسىم(داۆكا) بولدى. ادامدار ءبىر-ءبىرىن قىسىپ، قىرىلىپ جاتتى.

دەرەكتەردە 450 ادام ولگەن دەلىنەدى. الايدا تاريحشىلار كەمى 3000 ادام كوز جۇمعانىن ايتادى. قىسىلىپ، كوز جۇمعانداردى تۇندە اۋلا سىپىرۋشىلار مەن ساربازدار جيناپ، اپارىپ كومىپ تاستادى.

تەك كەيبىرەۋلەرىنىڭ دەنەسىن عانا مورگتان تۋىستارىنا بەرىپ، ءولىم سەبەبىن "جۇرەك تالماسى" دەپ كورسەتe سالدى.

كسرو-دا بۇل وقيعا جايلى ايتىلمادى. جابىق تاقىرىپ بولدى. الايدا ءستاليننىڭ جەرلەۋ راسىمىندە بولعان جاندار ول وقيعا جايلى ءوز ەستەلىكتەرىن قالدىرعان. ونى ينتەرنەتتەن تاۋىپ، وقي الاسىزدار. ونداي ەستەلىكتەر وتە كوپ.

مىسالى سونداي ءبىر ەستەلىكتە بىلاي دەلىنەدى:

ء"بىز كوپ عيماراتتى ۇيدە تۇردىق. سول كۇندەرى ۇيىمىزدەن شىعا الماي قالدىق. سەبەبى ەسىكتى اشۋ مۇمكىن ەمەس ەدى. حالىق وتە كوپ بولدى. سول كۇندەرى ءبىز قاتتى قىسىمنان(داۆكا) ىڭىرسىپ، ءولىپ جاتقان ادامداردىڭ داۋىسىن ەستىدىك. ءتىپتى سىقىرلاپ سىنعان سۇيەك داۋسىن ەستىگەندەر دە بار".

ءستاليندى جەرلەگەن 9-ناۋرىزدىڭ وزىندە عانا 300-دەن استام ادام كوز جۇمعان.

اسحات قاسەنعالي

پىكىرلەر