رەسەي تۇرعىندارى ورال مەن اقتوبەدەن ازىق-تۇلىك ساتىپ الىپ جاتىر. بۇل تۋرالى «ادىرنا» ۇلتتىق پورتالى “موي گورود” پورتالىنا سىلتەمە جاساپ دەپ حابارلايدى.
ساراتوۆ وبلىسىنىڭ ۆالەري ەسىمدى تۇرعىنىنىڭ ايتۋىنشا، ول ورالعا ءونىم جەتكىزەدى. دۇكەندەردە جوق نەمەسە قىمباتتاپ كەتكەن تاۋارلاردى الادى.
"باعا وزگەرىپ جاتىر، ءونىم شارىقتاپ قىمباتتاپ جاتىر.تۋرا ماعىنادا ءبارى قىمباتتادى، تاۋارلار شەكتەۋلى مولشەردە ساتىلۋدا: كارتوپ، پياز، ماكارون ونىمدەرى، ۇن – ءبىر ادامعا بەس كەلىدەن ساتىلادى. ودان ارتىق ەمەس. كەيبىر دۇكەندەردە سورەلەر مۇلدە بوس. ءبىر ايعا جەتپەگەن ۋاقىتتا قانتتىڭ كەلىسى 45 رۋبل (10 ناۋرىزداعى باعام بويىنشا 163 تەڭگە), قازىر 90 رۋبل (10 ناۋرىزداعى باعامەن 326 تەڭگە) بولعان كورىنەدى. ەلدەن شىعارۋعا تىيىم سالامىز دەيدى. سىزدەردە ازىرگە قانت ارزان. بىزدە قۇرال-جابدىقتار دا قىمباتتاپ كەتتى، كىر جۋعىش ماشينا، كونديتسيونەر الا المايمىز. كولىكتەر كۇرت قىمباتتادى، يمپورتتان كەلەتىن تاۋارلار ازايدى”، – دەدى تۇرعىن.
ءىرى سۋپەرماركەت ساتۋشىلارىنىڭ ايتۋىنشا، ورىنبور وبلىسىنىڭ تۇرعىندارى اقتوبەگە كەلىپ، قانت، ۇن، جارما ساتىپ الىپ جاتىر. سامارا وبلىسىنىڭ تۇرعىندارى دا دۇكەندەردە قانت تاپشىلىعىن ايتۋدا.
ء"يا، بىزدە قور از، سوندىقتان مەن جاقىندا دۇكەنگە باردىم، بىراق قانت جوق. بۇكىل اۋداندا سولاي. ارينە، بارىمىزدە باعا شارىقتاپ كەتتى", - دەيدى سامارا وبلىسىنىڭ يننا ەسىمدى تۇرعىن.
بۇل ارادا قازاقستاندا دا باعا ءوسىپ جاتىر. تاماقتىڭ دا، تۇرمىستىق تەحنيكا باعاسى دا كۇرت ءوستى. بازارلارداعى ساتۋشىلار نەگىزىنەن ءسۇت ونىمدەرى، تۇرمىستىق تەحنيكا، جارما، شۇجىق جانە قانت باعاسى قىمباتتاعانىن اتاپ ءوتتى. بازارلارداعى باعا ءارتۇرلى، ءبىر جەردە قانت 360 تەڭگەدەن ساتىلسا، باسقا جەرلەردە كەلىسى 400 تەڭگەدەن. اتىراۋ مەن اقتاۋدا دا قانت باعاسى كۇرت كوتەرىلدى.
ايتا كەتەيىك، قازاقستان 27-30 پايىز عانا قانتپەن قامتاماسىز ەتىلگەن، قالعانىنىڭ ءبارى سىرتتان تاسىمالدانادى. ال، قانت نەگىزىنەن رەسەيدەن اكەلىنەدى.
«ادىرنا» ۇلتتىق پورتالى
