Reseı turǵyndary Oral men Aqtóbeden azyq-túlik satyp alyp jatyr. Bul týraly «Adyrna» ulttyq portaly “Moı gorod” portalyna silteme jasap dep habarlaıdy.
Saratov oblysynyń Valerıı esimdi turǵynynyń aıtýynsha, ol Oralǵa ónim jetkizedi. Dúkenderde joq nemese qymbattap ketken taýarlardy alady.
"Baǵa ózgerip jatyr, ónim sharyqtap qymbattap jatyr.Týra maǵynada bári qymbattady, taýarlar shekteýli mólsherde satylýda: kartop, pııaz, makaron ónimderi, un – bir adamǵa bes keliden satylady. Odan artyq emes. Keıbir dúkenderde sóreler múlde bos. Bir aıǵa jetpegen ýaqytta qanttyń kelisi 45 rýbl (10 naýryzdaǵy baǵam boıynsha 163 teńge), qazir 90 rýbl (10 naýryzdaǵy baǵamen 326 teńge) bolǵan kórinedi. Elden shyǵarýǵa tyıym salamyz deıdi. Sizderde ázirge qant arzan. Bizde qural-jabdyqtar da qymbattap ketti, kir jýǵysh mashına, kondııoner ala almaımyz. Kólikter kúrt qymbattady, ımporttan keletin taýarlar azaıdy”, – dedi turǵyn.
Iri sýpermarket satýshylarynyń aıtýynsha, Orynbor oblysynyń turǵyndary Aqtóbege kelip, qant, un, jarma satyp alyp jatyr. Samara oblysynyń turǵyndary da dúkenderde qant tapshylyǵyn aıtýda.
"Iá, bizde qor az, sondyqtan men jaqynda dúkenge bardym, biraq qant joq. Búkil aýdanda solaı. Árıne, bárimizde baǵa sharyqtap ketti", - deıdi Samara oblysynyń Inna esimdi turǵyn.
Bul arada Qazaqstanda da baǵa ósip jatyr. Tamaqtyń da, turmystyq tehnıka baǵasy da kúrt ósti. Bazarlardaǵy satýshylar negizinen sút ónimderi, turmystyq tehnıka, jarma, shujyq jáne qant baǵasy qymbattaǵanyn atap ótti. Bazarlardaǵy baǵa ártúrli, bir jerde qant 360 teńgeden satylsa, basqa jerlerde kelisi 400 teńgeden. Atyraý men Aqtaýda da qant baǵasy kúrt kóterildi.
Aıta keteıik, Qazaqstan 27-30 paıyz ǵana qantpen qamtamasyz etilgen, qalǵanynyń bári syrttan tasymaldanady. Al, qant negizinen Reseıden ákelinedi.
«Adyrna» ulttyq portaly
