Aqtóbe saýdagerleri nege ashýly?

493

Aqtóbe saýdagerleri  bazarlarǵa birdeı talap qoıylmaǵanyna  narazylyq tanytyp,  ortalyq bazarda  shý shyǵardy. Bul týraly "Adyrna" tilshisi KTK arnasyna silteme jasap habarlaıdy.

Ortalyq bazardyń saýdagerleri sanıtarlyq dárigerlerdiń qaladaǵy barlyq bazarǵa birdeı talap qoıylmaı otyrǵanyn aıtyp renishterin bildirdi. Qaýipsizdik úshin tıym salynsa barlyq bazar birdeı jabylsyn dedi. Saýdagerler «Altaı»,«Tabys»,«Shyǵys» bazarlary jumys jasap turǵanyn aıtyp, kún kóristerimiz qıyndap ketti deıdi.

Jazıra Ahmetova, saýdager: - Bizde aı saıyn jaýyp tastaıdy. Kredıtterimiz bar. Jalǵyzbasty anamyn. Úsh balam bar. Járdemaqy eshteńeme jetpedi, ne nesıeme, ne dárilerime. Biz tegin eshteńe surap jatqan joqpyz. Óz adal eńbegimizben kún kórgimiz keledi. Bizge bazardy ashsyn!

Bazarǵa jetken qalalyq bas sanıtar dárigerge áıelder dúrse qoıa berdi. Sheneýnik eki aptasyz saýda orny ashylmaıdy dep otyr.

Saýdagerdiń "Bizdiń bazar ashyla ma?" degen suraǵyna sheneýnik tarapynan "17-tamyzǵa deıin ashlmaıdy" degen jaýap aıtyldy.

Sanıtar mamandar sońǵy ret eki aptaǵa sozylǵan karantın talaptary jeńildetilýi múmkin degen boljamyn da aıtady. Ol aımaqtaǵy epıdemııalogııalyq ahýalǵa baılanysty bolmaq. Indettiń taralýy toqtasa ǵana sýdagerlerdiń talaby oryndalýy múmkin.

Saýdagerler  sanıtar dárigerlerdiń qaladaǵy barlyq bazarǵa birdeı talap qoımaı otyrǵanyna ashynady. Eger qaýipsizdik úshin saýdaǵa tyıym salynsa, barlyq jer jabylsyn dep otyr. Al saýdagerlerdi alalaıtyn bolsa, bazarlar jappaı ashylsyn dep ashynady.

«Altaı» bazary, «Tabys», «Shyǵys» istep jatyr. Bizde nege jabyq? Jınalǵan saýdagerler bazarlardy sanıtar mamandar alalaıtyn bolsa, dereý ortalyq bazardy ashsyn dep talap qoıdy. Onymen qosa, bir aıdan beri tabystan qaǵylyp, «as-sýymyzdy áreń taýyp otyrmyz» dep ashynady.

Aqtóbe qalasyndaǵy  «Altaı» bazary, «Tabys», «Shyǵys» saýda oryndary shynymen de jumysyn jalǵastyrýda. Bir aıdan beri tabysynan qaǵylyp, as-sýyn áreń taýyp otyrǵan turǵyndar  kimge shaǵynaryn bilmeı álek bolýda.

Asqar Gúlvıra, 

"Adyrna" ulttyq portaly

 

 

Pikirler
Redakııa tańdaýy