«اۋىل مەكتەپتەرىنە ارنالعان «مىڭ بالا» ۇلتتىق زياتكەرلىك وليمپياداسى» رەسپۋبليكالىق وليمپياداسى -2022 وتەدى.
جىل سايىن وتەتىن «مىڭ بالا»-2022 جىلعى وليمپياداعا تىركەلۋ ناۋقانى 19 اقپاندا باستالدى. وليمپيادا «ەلباسى اكادەمياسى» قورى مەن الماتى وبلىسى ءبىلىم باسقارماسىنىڭ قولداۋىمەن وتكىزىلەدى. بيىلعى جىلى 5-6 سىنىپتان 30 مىڭنان استام اۋىل مەكتەپتەرىنىڭ وقۋشىلارى قاتىسادى دەپ كۇتىلۋدە. تىركەۋ 20 ناۋرىزعا دەيىن جالعاسادى.
وليمپيادا قازاقستان رەسپۋبليكاسىنىڭ اۋىلدىق جەرلەرىندەگى مەكتەپ وقۋشىلارىنىڭ تالانتتارى مەن قابىلەتتەرىن دامىتۋ جانە قولداۋ ءۇشىن جاعداي جاساۋ، دارىندى بالالارعا ارنالعان مامانداندىرىلعان مەكتەپتەردە وقۋ ءۇشىن نەعۇرلىم اكادەميالىق قابىلەتتى وقۋشىلاردى ىرىكتەۋ ماقساتىندا ۇيىمداستىرىلىپ جاتىر.
وليمپيادا ەكى كەزەڭنەن تۇرادى:
- I كەزەڭگە قاتىسۋ ءۇشىن وليمپياداعا قاتىسۋشىلار ءتيىستى جىلدىڭ كۇنتىزبەلىك 30 كۇنى ىشىندە ونلاين-پلاتفورمادا تىركەۋدەن وتەدى. تىركەۋ اياقتالعاننان كەيىن كۇنتىزبەلىك 15 كۇن ىشىندە قاتىسۋشىلار ءۇشىن ونلاين رەجيمدە تەستىلەۋگە قولجەتىمدىلىك بەرىلەدى.
- ءىى كەزەڭنىڭ وتەتىن كۇنى مەن ورنى تۋرالى مالىمەتتەر، سونداي-اق وليمپيادانىڭ ءىى كەزەڭىنە قاتىسۋشىلاردىڭ ءتىزىمى كومپيۋتەرلىك تەستىلەۋ وتكىزىلگەنگە دەيىنگى كۇنتىزبەلىك 10 كۇن بۇرىن رەسمي رەسۋرستا جاريالانادى.
ىرىكتەۋ كومپيۋتەرلىك تەستىلەۋ ناتيجەلەرى بويىنشا جۇرگىزىلەدى.
جەڭىمپاز اتانعان مىڭ وقۋشىعا وليمپيادا جەڭىمپازىنىڭ ديپلومى بەرىلەدى. ديپلوم تاپسىرۋ ءۇشىن ءىى كەزەڭنىڭ جەڭىمپازدارى كۇشەيتىلگەن سانيتاريالىق-ەپيدەميولوگيالىق نورمالاردى ساقتاي وتىرىپ، تۇرعىلىقتى وڭىرلەرى بويىنشا ماراپاتتاۋ راسىمىنە شاقىرىلادى. II كەزەڭنىڭ جەڭىمپازدارىنا قازاقستان رەسپۋبليكاسىنىڭ زاڭناماسىندا بەلگىلەنگەن كۆوتاعا سايكەس دارىندى بالالارعا ارنالعان مامانداندىرىلعان مەكتەپتەرگە قابىلداۋ مۇمكىندىگى بەرىلەدى.
اتاپ ايتساق، 2021 جىلعى «مىڭ بالا» وليمپياداسى وبلىسىمىزدا ۇتىمدى ءوتىپ، ءوز وڭتايلى ناتيجەلەرىن كورسەتكەن بولاتىن.
”ادىرنا” ۇلتتىق پورتالى
