«Aýyl mektepterine arnalǵan «Myń bala» Ulttyq zııatkerlik olımpıadasy» respýblıkalyq olımpıadasy -2022 ótedi.
Jyl saıyn ótetin «Myń bala»-2022 jylǵy olımpıadaǵa tirkelý naýqany 19 aqpanda bastaldy. Olımpıada «Elbasy Akademııasy» Qory men Almaty oblysy Bilim basqarmasynyń qoldaýymen ótkiziledi. Bıylǵy jyly 5-6 synyptan 30 myńnan astam aýyl mektepteriniń oqýshylary qatysady dep kútilýde. Tirkeý 20 naýryzǵa deıin jalǵasady.
Olımpıada Qazaqstan Respýblıkasynyń aýyldyq jerlerindegi mektep oqýshylarynyń talanttary men qabiletterin damytý jáne qoldaý úshin jaǵdaı jasaý, daryndy balalarǵa arnalǵan mamandandyrylǵan mektepterde oqý úshin neǵurlym akademııalyq qabiletti oqýshylardy irikteý maqsatynda uıymdastyrylyp jatyr.
Olımpıada eki kezeńnen turady:
- I kezeńge qatysý úshin Olımpıadaǵa qatysýshylar tıisti jyldyń kúntizbelik 30 kúni ishinde onlaın-platformada tirkeýden ótedi. Tirkeý aıaqtalǵannan keıin kúntizbelik 15 kún ishinde qatysýshylar úshin onlaın rejımde testileýge qoljetimdilik beriledi.
- II kezeńniń ótetin kúni men orny týraly málimetter, sondaı-aq olımpıadanyń II kezeńine qatysýshylardyń tizimi kompıýterlik testileý ótkizilgenge deıingi kúntizbelik 10 kún buryn resmı resýrsta jarııalanady.
Irikteý kompıýterlik testileý nátıjeleri boıynsha júrgiziledi.
Jeńimpaz atanǵan myń oqýshyǵa Olımpıada jeńimpazynyń dıplomy beriledi. Dıplom tapsyrý úshin II kezeńniń jeńimpazdary kúsheıtilgen sanıtarııalyq-epıdemıologııalyq normalardy saqtaı otyryp, turǵylyqty óńirleri boıynsha marapattaý rásimine shaqyrylady. II kezeńniń jeńimpazdaryna Qazaqstan Respýblıkasynyń zańnamasynda belgilengen kvotaǵa sáıkes daryndy balalarǵa arnalǵan mamandandyrylǵan mektepterge qabyldaý múmkindigi beriledi.
Atap aıtsaq, 2021 jylǵy «Myń bala» olımpıadasy oblysymyzda utymdy ótip, óz ońtaıly nátıjelerin kórsetken bolatyn.
”Adyrna” ulttyq portaly
