پاريجدەگى ۆەرسالدا ەۋرووداق ءسامميتى ءوتتى. وندا ەو كوشباسشىلارى مەن بريۋسسەل وكىلدەرى كيەۆتى قولداۋ جانە ماسكەۋگە قارسى سانكتسيالار ەنگىزۋ ماسەلەسىن قارادى دەپ حابارلايدى “ادىرنا” ۇلتتىق پورتالى euronews.com. سايتىنا سىلتەمە جاساپ.
كۇن تارتىبىندەگى ماسەلەلەردىڭ ءبىرى – ۋكراينانىڭ ەۋرووداققا كىرۋ بويىنشا شۇعىل ۇسىنىسى. بۇل يدەيانى شىعىستاعى مۇشە ەلدەر قولداپ جاتىر. بىراق بىرقاتار مۇشەلەر بۇل پروتسەدۋرانىڭ ايتارلىقتاي كوپ ۋاقىت قاجەت ەتەتىنىن العا تارتۋدا. سەبەبى، وداققا كىرۋ كەزەگىن توسىپ جۇرگەن ەلدەر جەتەرلىك.
«ەۋرووداققا كىرۋ كەزەگىندە بىرنەشە ەل كوپتەگەن جىلدار بويى تۇر. ولار مۇشەلىكتىڭ كريتەريىنە سايكەس كەلۋ ءۇشىن كوپ نارسە جاساعان. قازىر نيدەرلاندى مەن ۋكراينانىڭ يىق تىرەستىرىپ تۇرعانىنا ەشكىمنىڭ كۇمانى بولماسىن. بىراق بىزدە ۇيىمعا قوسىلۋدى جەدەلدەتۋ دەگەن تۇسىنىك جوق»، – دەدى گوللاندىق پرەمەر-مينيستر مارك ريۋتتە.
سونىمەن قاتار، بلوكتىڭ رەسەيلىك ەنەرگيا كوزدەرىنە تاۋەلدىلىگىن جەڭۋ جولدارى دا تالقىلاندى. ونى ساتىپ الۋدى جىل سوڭىنا دەيىن ۇشتەن ەكىگە قىسقارتۋ ۇسىنىلدى. كوشباسشىلار بىرتىندەپ باسقا جەتكىزۋشىلەرگە نەمەسە باسقا كوزدەرگە اۋىسۋ قاجەتتىگىمەن كەلىستى.
“ادىرنا” ۇلتتىق پورتالى
