13 ناۋرىز، جەكسەنبىگە قاراعان ءتۇنى يراك كۇردىستانىنىڭ استاناسى، ەلدىڭ سولتۇستىگىندەگى ەربيل قالاسىندا كۇشتى جارىلىس بولدى. يراكتىڭ Al Arabiya پورتالى مالىمدەگەندەي، اقش كونسۋلدىعى ماڭىندا زىمىراندىق شابۋىل بولدى. بىرقاتار اقپارات قۇرالدارى يراكتاعى نىساناعا التى زىمىران اتىلعانىن حابارلادى، دەپ جازادى "ادىرنا" ۇلتتىق پورتالى.
ولاردىڭ ەربيلدەگى امەريكا قۇراما شتاتتارىنىڭ كونسۋلدىعى مەن «كۋرديستان 24» تەلەستۋدياسىنىڭ جانىندا جارىلىس جاساعانى بەلگىلى بولدى. ايتا كەتەيىك، قازىرگى ۋاقىتتا كونسۋلدىق عيماراتتار كەشەنى ورتكە ورانىپ، تەلەستۋديا رەداكتسياسى دا قيرادى. اقش-تىڭ يراكتاعى اسكەري اۋە بازاسى دا زىمىران شابۋىلىنا ۇشىرادى.
باق جاقىن ارادا اقش پرەزيدەنتى دجو بايدەننىڭ امەريكاندىقتارعا ۇندەۋ ايتۋى مۇمكىن دەپ حابارلايدى. بەيبىت تۇرعىندار مەن اقش اسكەريلەرى مەن ەلشىلىگىنىڭ قىزمەتكەرلەرى تۋرالى اقپارات جوق، دەپ جازادى Reuters كۇردىستاننىڭ دەنساۋلىق ساقتاۋ مينيسترىنە، يراك مەملەكەتتىك اقپارات اگەنتتىگىنە سىلتەمە جاساپ.
بىرقاتار باق يراننىڭ يراكتاعى امەريكاندىق نىساندارعا زىمىران شابۋىلدارى گەنەرال كاسەم سۋلەيمانيدى 2020 جىلى جويۋ ءۇشىن كەك الۋى مۇمكىن ەكەنىن مالىمدەدى. سونداي-اق، ولار يراننىڭ الەمدىك مۇناي ساۋداسى ءۇشىن ۇلكەن ماڭىزى بار ورمۋز بۇعازىن جاۋىپ تاستاۋى مۇمكىن دەپ حابارلايدى. اقش اسكەري-اۋە كۇشتەرىنىڭ ۇشاقتارى اۋەگە كوتەرىلدى، تەگەرانعا زىمىراندىق سوققىلار جاسالادى دەپ كۇتىلۋدە.
ادىرنا" ۇلتتىق پورتالى
