13 naýryz, jeksenbige qaraǵan túni Irak Kúrdistanynyń astanasy, eldiń soltústigindegi Erbıl qalasynda kúshti jarylys boldy. Iraktyń Al Arabiya portaly málimdegendeı, AQSh konsýldyǵy mańynda zymyrandyq shabýyl boldy. Birqatar aqparat quraldary Iraktaǵy nysanaǵa alty zymyran atylǵanyn habarlady, dep jazady "Adyrna" ulttyq portaly.
Olardyń Erbıldegi Amerıka Qurama Shtattarynyń konsýldyǵy men «Kýrdıstan 24» telestýdııasynyń janynda jarylys jasaǵany belgili boldy. Aıta keteıik, qazirgi ýaqytta konsýldyq ǵımarattar kesheni órtke oranyp, telestýdııa redakııasy da qırady. AQSh-tyń Iraktaǵy áskerı áýe bazasy da zymyran shabýylyna ushyrady.
BAQ jaqyn arada AQSh prezıdenti Djo Baıdenniń amerıkandyqtarǵa úndeý aıtýy múmkin dep habarlaıdy. Beıbit turǵyndar men AQSh áskerıleri men elshiliginiń qyzmetkerleri týraly aqparat joq, dep jazady Reuters Kúrdistannyń densaýlyq saqtaý mınıstrine, Irak memlekettik aqparat agenttigine silteme jasap.
Birqatar BAQ Irannyń Iraktaǵy amerıkandyq nysandarǵa zymyran shabýyldary general Kasem Sýleımanıdi 2020 jyly joıý úshin kek alýy múmkin ekenin málimdedi. Sondaı-aq, olar Irannyń álemdik munaı saýdasy úshin úlken mańyzy bar Ormýz buǵazyn jaýyp tastaýy múmkin dep habarlaıdy. AQSh Áskerı-áýe kúshteriniń ushaqtary áýege kóterildi, Tegeranǵa zymyrandyq soqqylar jasalady dep kútilýde.
Adyrna" ulttyq portaly
