پرەزيدەنت جولداۋىندا “اق جول” پارتياسى باعدارلاماسىنىڭ باسىم بولىگى ومىرگە جولداما الدى.
ايتسا، ايتتى دەيسىزدەر…
ءبىز 2020 جىلى 16 قازاندا “قازاق ءۇنى” گازەتى مەن ۇلتتىق پورتالىنداعى “سەمەيگە ابايدىڭ اتىن بەرۋ كەرەك نەمەسە وبلىستى قايتا اشۋ قاجەت” اتتى ماقالامىزدا: “الاش ۇستاز تۇتقان ابايدىڭ 175 جىلدىعىندا سەمەيدەي ءوز قالاسىنا نەمەسە وبلىسقا ۇلى اقىننىڭ اتىن بەرسەك. نەمەسە “اق جول” باسشىسى ازات پەرۋاشەۆ پارلامەنتتە كوتەرىپ كەلە جاتقانداي، رەسپۋبليكالىق ستاتۋس بەرىپ نەمەسە وبلىستى قايتا اشساق، ەشكىمنىڭ داۋى جوق شىعار دەيمىز.”-دەپ جازعان ەكەنبىز.
ال ازات پەرۋاشەۆ اتالمىش دەپۋتاتتىق ساۋالىن 2019 جىلى 18 جەلتوقساندا جاسادى.
وسى 2020 جىلعى 16 قازاننان كەيىن تۋرا 2022 جىلى 16 ناۋرىزدا، ياعني 1 جىل 5 اي وتكەندە، تۋرا “اق جول” پارتياسىنىڭ قۇرىلعانىنا 20 جىل تولعان كۇنى پرەزيدەنت جولداۋىندا بۇرىنعى وبلىس تا قايتا اشىلدى، قالا تۇگىلى، ماقالامىزدا ايتقانداي وبلىسقا ابايدىڭ اتى دا بەرىلدى.
اقجولدىقتار ايتسا، اقىن ايتسا، اعات ايتپايدى!
بۇگىن فەيسبۋك پاراقشامدى قاراسام، وبلىستىڭ قايتا اشىلۋى مەن سەمەي قالاسىنا نەمەسە وبلىسقا اباي اتىن بەرۋدى جۇرتتىڭ 95 پايىزى قولداعان ەكەن!..
ءبىر قىزىعى، سەمەيگە اباي اتىن بەرۋگە ءوزى شىعىستىڭ تۋماسى، بەلگىلى جازۋشى مەن سەمەيدە تۇراتىن تانىمال جۋرناليست جاتىپ تۇرىپ قارسى بولعان ەكەن.
ال اقىن ايتۋار وتەگەنوۆ:
“ۇسىنىس وتە دۇرىس جəنە ۋاقىتىندا ايتىلعان. بۇل ۇسىنىستى مەنىڭشە قاسىم-جومارت كەمەلۇلى قولدايدى دەپ ويلايمىن. ول كىسىنىڭ نەگىزگى ويى دا وسى بولۋى كەرەك. الىستان ويلايتىن ادام. جۇزەگە اسىرۋ ءۇشىن قولدايىق”-دەپ تۋرا جازىپتى.
ايتۋار اعام دا، ايتسا، اعات ايتپايدى!
اللا جار بولسىن! ۇلى ابايدىڭ ارۋاعى قولداي بەرسىن!
اباي وبلىسىنا اق جول!
سونىمەن بىرگە ەلىمىزدە ۇلىتاۋ جانە جەتىسۋ وبلىستارى اشىلدى!
ەندى الاش كوسەمدەرى احمەت بايتۇرسىنۇلى مەن مىرجاقىپ دۋلاتۇلىلار ومىرگە كەلگەن تورعاي وبلىسى دا قايتا اشىلاتىن كۇن بولار…
ايتقانىمىز كەلىپ جاتىر عوي، قۇدايعا شۇكىر، ايتا بەرەيىك. پەرىشتەنىڭ قۇلاعىنا شالىنسا، اللا تىلەگىمىزدى قابىل الار!..
سونىمەن قاتار جاڭا داۋىرگە باستاعان پرەزيدەنت جولداۋىندا “اق جول” پارتياسىنىڭ 2020 جىلعى سايلاۋالدى باعدارلاماسىنداعى ساياسي جاڭعىرۋ جولىنداعى باعىتتاردىڭ باسىم بولىگى ومىرگە جولداما الدى.
اتاپ ايتقاندا:
1.سۋپەر پرەزيدەنتتىك رەسپۋبليكادان پارلامەنتتىك رەسپۋبليكاعا بىرتىندەپ اۋىسۋدى باستاۋ;
2.پارلامەنت ءماجىلىسى بيلىگىن كۇشەيتۋ;
3.سەناتتى تاراتۋ (سەنات بيلىگى السىرەدى-ەندى زاڭدى تەك ءماجىلىس قابىلدايدى);
4.پرەزيدەنتتىڭ ەشقانداي پارتيادا بولماۋى;
5.اكىمدەردىڭ پارتيا فيليالىن باسقارۋعا زاڭمەن تىيىم سالۋ;
6.اكىمدەردىڭ ەشقانداي پارتيا مۇشەسى بولماۋى;
7.بيۋدجەتتىڭ ورىندالۋى تۋرالى پارلامەنتكە ەسەپ بەرۋ;
7.ءماسليحات توراعاسى قىزمەتىن بەلگىلەۋ;
8.ءماسليحاتتىڭ ءرولىن كۇشەيتۋ;
9.سايلاۋ جۇيەسىن جەتىلدىرۋ;
10.باقىلاۋشىلار قۇقىن ارتتىرۋ;
11.”اتامەكەن” ۇلتتىق پالاتاسى قۇزىرەتتەرىن شەكتەۋ جانە تب ۇسىنىستار.
بۇل ۇسىنىستار 2020 جىلى “قازاق ءۇنى” گازەتى مەن ۇلتتىق پورتالىندا جاريالانعان “تۇبەگەيلى وزگەرىستەر قاجەت” اتتى “اق جولدىڭ” ساياسي باعدارلاماسىندا تۇر. نەمەسە بيىل، 2022 جىلى 2 اقپاندا وتكەن ۇلتتىق كەڭەستە سويلەگەن ءسوزىمىز جاريالانعان “ۇكىمەتتى سايلاۋدا جەڭىسكە جەتكەن پارتيا جاساقتاۋى كەرەك”-اتتى 9 اقپانداعى ماقالادان وقۋعا بولادى.
“اق جول” پارتياسىنىڭ ەلىمىزدىڭ ساياسي جۇيەسىن دەموكراتيالاندىرۋ باعىتىندا جاساعان ومىرشەڭ ۇسىنىستارى مەن سەمەي وبلىسىن اشۋ تۋرالى كوتەرگەن ماسەلەسىن قولداپ، قالىڭ قازاقتىڭ، ەل تىلەگىن ورىنداعان قر پرەزيدەنتى قاسىم-جومارت توقاەۆقا العىسىمىز شەكسىز.
“اق جول” ايتسا، اعات ايتپايدى!
جاڭا داۋىرگە اق جول!
قازىبەك يسا
