Prezıdent Joldaýynda “Aq jol” partııasy baǵdarlamasynyń basym bóligi ómirge joldama aldy.
Aıtsa, aıtty deısizder…
Biz 2020 jyly 16 qazanda “Qazaq úni” gazeti men ulttyq portalyndaǵy “SEMEIGE ABAIDYŃ ATYN BERÝ KEREK nemese oblysty qaıta ashý qajet” atty maqalamyzda: “Alash ustaz tutqan Abaıdyń 175 jyldyǵynda Semeıdeı óz qalasyna nemese oblysqa uly aqynnyń atyn bersek. Nemese “Aq jol” basshysy Azat Perýashev parlamentte kóterip kele jatqandaı, respýblıkalyq statýs berip nemese oblysty qaıta ashsaq, eshkimniń daýy joq shyǵar deımiz.”-dep jazǵan ekenbiz.
Al Azat Perýashev atalmysh depýtattyq saýalyn 2019 jyly 18 jeltoqsanda jasady.
Osy 2020 jylǵy 16 qazannan keıin týra 2022 jyly 16 naýryzda, ıaǵnı 1 jyl 5 aı ótkende, týra “Aq jol” partııasynyń qurylǵanyna 20 jyl tolǵan kúni Prezıdent Joldaýynda burynǵy oblys ta qaıta ashyldy, qala túgili, maqalamyzda aıtqandaı oblysqa Abaıdyń aty da berildi.
Aqjoldyqtar aıtsa, aqyn aıtsa, aǵat aıtpaıdy!
Búgin Feısbýk paraqshamdy qarasam, oblystyń qaıta ashylýy men Semeı qalasyna nemese oblysqa Abaı atyn berýdi jurttyń 95 paıyzy qoldaǵan eken!..
Bir qyzyǵy, Semeıge Abaı atyn berýge ózi shyǵystyń týmasy, belgili jazýshy men Semeıde turatyn tanymal jýrnalıst jatyp turyp qarsy bolǵan eken.
Al aqyn Aıtýar Ótegenov:
“Usynys óte durys jəne ýaqytynda aıtylǵan. Bul usynysty menińshe Qasym-Jomart Kemeluly qoldaıdy dep oılaımyn. Ol kisiniń negizgi oıy da osy bolýy kerek. Alystan oılaıtyn adam. Júzege asyrý úshin qoldaıyq”-dep týra jazypty.
Aıtýar aǵam da, aıtsa, aǵat aıtpaıdy!
Alla jar bolsyn! Uly Abaıdyń arýaǵy qoldaı bersin!
Abaı oblysyna Aq jol!
Sonymen birge elimizde Ulytaý jáne Jetisý oblystary ashyldy!
Endi Alash kósemderi Ahmet Baıtursynuly men Mirjaqyp Dýlatulylar ómirge kelgen Torǵaı oblysy da qaıta ashylatyn kún bolar…
Aıtqanymyz kelip jatyr ǵoı, qudaıǵa shúkir, aıta bereıik. Perishteniń qulaǵyna shalynsa, Alla tilegimizdi qabyl alar!..
Sonymen qatar Jańa dáýirge bastaǵan Prezıdent Joldaýynda “Aq jol” partııasynyń 2020 jylǵy saılaýaldy baǵdarlamasyndaǵy saıası jańǵyrý jolyndaǵy baǵyttardyń basym bóligi ómirge joldama aldy.
Atap aıtqanda:
1.Sýper prezıdenttik respýblıkadan parlamenttik respýblıkaǵa birtindep aýysýdy bastaý;
2.Parlament Májilisi bıligin kúsheıtý;
3.Senatty taratý (Senat bıligi álsiredi-endi zańdy tek Májilis qabyldaıdy);
4.Prezıdenttiń eshqandaı partııada bolmaýy;
5.Ákimderdiń partııa fılıalyn basqarýǵa zańmen tyıym salý;
6.Ákimderdiń eshqandaı partııa múshesi bolmaýy;
7.Bıýdjettiń oryndalýy týraly parlamentke esep berý;
7.Máslıhat tóraǵasy qyzmetin belgileý;
8.Máslıhattyń rólin kúsheıtý;
9.Saılaý júıesin jetildirý;
10.Baqylaýshylar quqyn arttyrý;
11.”Atameken” ulttyq palatasy quzyretterin shekteý jáne tb usynystar.
Bul usynystar 2020 jyly “Qazaq úni” gazeti men ulttyq portalynda jarııalanǵan “TÚBEGEILI ÓZGERISTER QAJET” atty “Aq joldyń” saıası baǵdarlamasynda tur. Nemese bıyl, 2022 jyly 2 aqpanda ótken Ulttyq keńeste sóılegen sózimiz jarııalanǵan “ÚKIMETTI SAILAÝDA JEŃISKE JETKEN PARTIIa JASAQTAÝY KEREK”-atty 9 aqpandaǵy maqaladan oqýǵa bolady.
“Aq jol” partııasynyń elimizdiń saıası júıesin demokratııalandyrý baǵytynda jasaǵan ómirsheń usynystary men Semeı oblysyn ashý týraly kótergen máselesin qoldap, qalyń qazaqtyń, el tilegin oryndaǵan QR Prezıdenti Qasym-Jomart Toqaevqa alǵysymyz sheksiz.
“Aq jol” aıtsa, aǵat aıtpaıdy!
Jańa dáýirge Aq jol!
Qazybek ISA
