قىزىلوردالىق وقۋشىلار ەندى اسپان دەنەلەرىن جاڭا وبسەرۆاتوريا قۇرىلعىسى ارقىلى كورە الادى. پرەزيدەنت تاپسىرماسى اياسىندا بالالار جىلىندا قىزىلوردا قالاسىنداعى ۇزدىك ءبىلىم بەرۋ ۇيىمى اتانعان №264 مەكتەپتە جاڭا وبسەرۆاتوريالىق ورتالىق پەن بالالار كينوستۋدياسى اشىلدى. وتكەن جىلى وبلىس اكىمىنىڭ سىياقىسى رەتىندە 34 ميلليون تەڭگەنىڭ سەرتيفيكاتىنيەلەنگەن ءبىلىم وشاعىن قولداۋ ناتيجەسىندە بالالار استرونوميا ىلىمىنە ەنىپ، مەكتەپ ستۋدياسى ارقىلى جۋرناليستيكاعا بەت بۇرا الادى.
ناۋرىز مەرەكەسى قارساڭىندا بالالاردىڭ يگىلىگىنە باعىتتالعان زاماناۋي كابينەتتەردىڭ اشىلۋ ءراسىمىنە وبلىس اكىمى گۇلشارا ابدىقالىقوۆا قاتىسىپ، دارىندى جانە ونەرتاپقىش وقۋشىلارمەن پىكىرلەسءتى.
وبسەرۆاتوريادا بالالار تەلەسكوپ، پروتسەسسور، سپەكتروسكوپ، ارنايى پريزما مەن Vive pro 2 شلەمى سەكىلدى قۇرال-جابدىقتارمەن جۇمىس ىستەي الادى. ال، كينوستۋديا ارقىلى ساپالى بەينەكونتەنت تۇسىرۋگە ارنالعان زاماناۋي جابدىقتار قويىلىپ، بالالاردىڭ شىعارماشىلىق جۇمىستارمەن ەركىن اينالىسۋىنا جاعداي جاسالدى. سونداي-اق، «Bio Master» كابينەتءى ارقىلى وقۋشىلار قولدان ماكەت جاساپ، جەرگىلىكتى ولكەتانۋ ىلىمىنە تەرەڭدەي تۇسەدى.
ال، جاڭادان اشىلعان ينكليۋزيۆتى كابينەتتە ەرەكشە قولداۋدى قاجەت ەتەتىن بالالار رەبيليتاتسيادان وتەدى. مۇندا سەنسورلىق كابينەت جانە ەمدىك دەنە شىنىقتىرۋ بولمەلەرى قاراستىرىلعان.
وبلىس اكىمى بالالاردىڭ تانىمدىق جانە شىعارماشىلىق باعىتتا جۇمىس ىستەۋىنە جول اشاتىن كابينەتتەردەگى قۇرىلعىلار ارقىلى وزىق يدەيالاردى ىسكە اسىرىپ، جاڭا جوبالار جاساۋعا جول اشاتىنىن اتاپ ءوتتى.
ايتا كەتەيىك، بۇل وقۋ ورنى جاپون ەلشىلىگىنىڭ «ءشوپ تامىرى» باعدارلاماسى اياسىندا 27 ملن.تەڭگەنىڭ گرانتىن يەلەنىپ، قالا ماڭىنداعى «سابالاق»، «ەدەلۆەيس» ساياجاي اۋداندارىنان قاتىناپ وقيتىن وقۋشىلاردى تاسىمالداۋعا «پاز» اۆتوبۋسى ساتىپ الدى. ال، الداعى ۋاقىتتا «گازەل» اۆتوكولىگىن الماق.
