Qyzylordalyq oqýshylar endi aspan denelerin jańa observatorııa qurylǵysy arqyly kóre alady. Prezıdent tapsyrmasy aıasynda Balalar jylynda Qyzylorda qalasyndaǵy úzdik bilim berý uıymy atanǵan №264 mektepte jańa observatorııalyq ortalyq pen balalar kınostýdııasy ashyldy. Ótken jyly oblys ákiminiń syıaqysy retinde 34 mıllıon teńgeniń sertıfıkatynıelengen bilim oshaǵyn qoldaý nátıjesinde balalar astronomııa ilimine enip, mektep stýdııasy arqyly jýrnalıstıkaǵa bet bura alady.
Naýryz merekesi qarsańynda balalardyń ıgiligine baǵyttalǵan zamanaýı kabınetterdiń ashylý rásimine oblys ákimi Gúlshara Ábdiqalyqova qatysyp, daryndy jáne ónertapqysh oqýshylarmen pikirlesti.
Observatorııada balalar teleskop, proessor, spektroskop, arnaıy prızma men Vive pro 2 shlemi sekildi qural-jabdyqtarmen jumys isteı alady. Al, kınostýdııa arqyly sapaly beınekontent túsirýge arnalǵan zamanaýı jabdyqtar qoıylyp, balalardyń shyǵarmashylyq jumystarmen erkin aınalysýyna jaǵdaı jasaldy. Sondaı-aq, «Bio Master» kabıneti arqyly oqýshylar qoldan maket jasap, jergilikti ólketaný ilimine tereńdeı túsedi.
Al, jańadan ashylǵan ınklıýzıvti kabınette erekshe qoldaýdy qajet etetin balalar rebılıtaııadan ótedi. Munda sensorlyq kabınet jáne emdik dene shynyqtyrý bólmeleri qarastyrylǵan.
Oblys ákimi balalardyń tanymdyq jáne shyǵarmashylyq baǵytta jumys isteýine jol ashatyn kabınetterdegi qurylǵylar arqyly ozyq ıdeıalardy iske asyryp, jańa jobalar jasaýǵa jol ashatynyn atap ótti.
Aıta keteıik, bul oqý orny japon elshiliginiń «Shóp tamyry» baǵdarlamasy aıasynda 27 mln.teńgeniń grantyn ıelenip, qala mańyndaǵy «Sabalaq», «Edelveıs» saıajaı aýdandarynan qatynap oqıtyn oqýshylardy tasymaldaýǵa «PAZ» avtobýsy satyp aldy. Al, aldaǵy ýaqytta «Gazel» avtokóligin almaq.
