“18 mln teńge”: Qyzylordadaǵy elıtalyq mektepte muǵalimderden aqsha jınap jatyr

2414
Adyrna.kz Telegram

Qyzylordadaǵy elıtalyq mektepte shý shyqty. Bul týraly kritikakyzylordy paraqshasy jarııalady, dep habarlaıdy “Adyrna” ulttyq portaly.

Jazbada muǵalimder 46 myń teńgelik jalpyǵa ortaq formany satyp alýǵa aqsha jınap jatqanyn málimdegen. Olardyń aıtýynsha, mektepte únemi aqsha jınatady.

«Jyl saıyn ustazdarǵa arnalǵan jańa formalar paıda bolady. Nege? Úndemeı gazetter men jýrnaldarǵa jazylý úshin aqsha jınaımyz. Jóndeýge, endi mine, jańa formaǵa (kostıým men beldemshe) jınap jatyrmyz. Mektebimizde 400 adam jumys isteıdi. Ony 46 myńǵa kóbeıtsek, 18 mıllıon teńgeden astam qarajat shyǵady eken. Bul somaǵa bizge ne tikpekshi?», – dep jazǵan muǵalimder.

Atalǵan jaıtqa qalalyq bilim berý basqarmasy pikir bildirip, mektepte pedagogıkalyq keńes ótip, onda ustazdardyń ádep kodeksine saı kıim kıisi talqylanǵanyn málimdedi.

«Sheshim biraýyzdan, ustazdardyń jalpyǵa ortaq bir úlgidegi formaǵa ótý týraly  usynystary negizinde qabyldandy. Pedagogıkalyq qyzmetkerlerdiń kostıými qalaı bolatyny, qandaı matadan tigiletini týraly másele de sheshilgen. Muǵalimder tarapynan qandaı da bir narazylyq bolmaǵan», – deıdi qalalyq bilim berý basqarmasy.

 

Pikirler