دەرەككوزدەر Apple وسى قىركۇيەكتە iPhone-نىڭ ءتورت جاڭا مودەلىن تانىستىرۋدى جوسپارلاپ وتىرعانىن راستايدى، - دەپ حابارلايدى "ادىرنا" ۇلتتىق پورتالى ixbt.com سايتىنا سىلتەمە جاساپ.
6,1 ديۋيمدىك iPhone 14; 6,7 ديۋيمدىك iPhone 14 Max; 6,1 ديۋيمدىك ءىPhone 14 Pro جانە 6,7 ديۋيمدىك iPhone 14 Pro Max 2022 جىلدىڭ قىركۇيەگىندە شىعارىلۋى مۇمكىن.
دەرەككوز ينتەرنەتكە تاراعان سىزبالار نەگىزىندە جاسالعان 6,1 ديۋيمدىك iPhone 14 Pro-نىڭ جوعارى ساپالى سۋرەتتەرىن جاريالادى. الدىڭعى كامەرا مەن Face ID سەنسورلارى ەكى كەسىندىگە اۋىستىرىلعانى انىق كورىنەدى.
سوپاقشا كەسكىنى سەلفي كامەراسى مەن ينفراقىزىل كامەراعا ارنالعان، ال دوڭگەلەگى - نۇكتەلىك پروەكتورعا ارنالعان. سوڭعى ەكى مودۋل Face ID پايدالانۋشىنى تانۋ جۇيەسى ءۇشىن قاجەت.
ەل اۋزىنداعى ءبىر نۇسقاعا سايكەس، سمارتفون نەگىزگى 12 مەگاپيكسەلدى كامەرانى الماستىراتىن جانە 8ك بەينە جازۋعا مۇمكىندىك بەرەتىن 48 مەگاپيكسەلدى جاڭا سەنسوردى قامتيدى. سونداي-اق Apple 12 مەگاپيكسەلدى كەسكىن سەنسورىن ساقتايدى دەگەن بولجامدار بار.
iPhone 14 Pro جانە iPhone 14 Pro Max جاڭا Apple A16 Bionic SoC جانە كەز كەلگەن باسقا iPhone-عا قاراعاندا كوبىرەك جەدەل جادىمەن جابدىقتالعان بولۋى كەرەك.
"ادىرنا" ۇلتتىق پورتالى
