«مايقايىڭ-التىنىندا» اپاتقا ۇشىراعان اۆتوبۋستى قۇتقارۋعا اۋىر تەحنيكا جۇمىلدىرىلدى، دەپ حابارلايدى «ادىرنا» ۇلتتىق پورتالى.
«توتەنشە جاعداي ورنىندا اۋىر ينجەنەرلىك تەحنيكا جۇمىس ىستەپ جاتىر: ءۇش ەكسكاۆاتور، ەكى جۇك تيەگىش، ەكى بۋلدوزەر. ءتۇنى بويى جانە كۇنى بۇگىنگە دەيىن وپىرىلعان جەردىڭ تۇبىنە وتكەل سالۋ جۇمىستارى جۇرگىزىلۋدە. وپىرىلعان جەردىڭ شەتىنەن توپىراق توگۋ جالعاسۋدا»، - دەپ حابارلايدى تجد ءباسپاسوز قىزمەتى. توتەنشە جاعدايلار مينيسترلىگىنىڭ بولىمشەلەرىنەن، پۆاسس رەسپۋبليكالىق توتەنشە جاعدايلار ورتالىعىنان، جەرگىلىكتى اتقارۋشى ورگانداردان، «مايقايىڭ-التىن» اق-نان، پوليتسيا مەن جەدەل جاردەمنەن 138 ادام مەن 37 بىرلىك تەحنيكا جۇمىلدىرىلدى. تجم، كااقق روش، جەرگىلىكتى اتقارۋشى ورگاندار، «مايقايىڭ-التىن» اق، پوليتسيا جانە جەدەل جاردەم بولىمشەلەرىنىڭ 138 ادامى مەن 37 تەحنيكاسى جۇمىلدىرىلدى. ەستەرىڭىزگە سالا كەتەيىك، 4 قاڭتارعا قاراعان ءتۇنى مايقايىڭ كەنىشى شاحتاسىنىڭ ماڭىنداعى «مايقايىڭ-التىن» اق اۋماعىندا ءتورت جولاۋشىسى بار اۆتوبۋس تازارتۋ كەڭىستىگىنە قۇلاعان بولاتىن. بىرنەشە ساعاتتان كەيىن قۇتقارۋشىلار ەكى قازا تاپقان - 24 جاستاعى سارقىت بەرلىقان مەن 53 جاستاعى ولەگ لەونيدوۆيچ تىشكەۆيچتىڭ دەنەسىن تاپتى.«ادىرنا» ۇلتتىق پورتالى
ۇقساس جاڭالىقتار
