«Maıqaıyń-altynynda» apatqa ushyraǵan avtobýsty qutqarýǵa aýyr tehnıka jumyldyryldy, dep habarlaıdy «Adyrna» ulttyq portaly.
«Tótenshe jaǵdaı ornynda aýyr ınjenerlik tehnıka jumys istep jatyr: úsh ekskavator, eki júk tıegish, eki býldozer. Túni boıy jáne kúni búginge deıin opyrylǵan jerdiń túbine ótkel salý jumystary júrgizilýde. Opyrylǵan jerdiń shetinen topyraq tógý jalǵasýda», - dep habarlaıdy TJD baspasóz qyzmeti.
Tótenshe jaǵdaılar mınıstrliginiń bólimshelerinen, PVASS Respýblıkalyq tótenshe jaǵdaılar ortalyǵynan, jergilikti atqarýshy organdardan, «Maıqaıyń-altyn» AQ-nan, polıııa men jedel járdemnen 138 adam men 37 birlik tehnıka jumyldyryldy.
TJM, KÁAQQ ROSh, jergilikti atqarýshy organdar, «Maıqaıyń-altyn» AQ, polıııa jáne jedel járdem bólimsheleriniń 138 adamy men 37 tehnıkasy jumyldyryldy.
Esterińizge sala keteıik, 4 qańtarǵa qaraǵan túni Maıqaıyń kenishi shahtasynyń mańyndaǵy «Maıqaıyń-altyn» AQ aýmaǵynda tórt jolaýshysy bar avtobýs tazartý keńistigine qulaǵan bolatyn. Birneshe saǵattan keıin qutqarýshylar eki qaza tapqan - 24 jastaǵy Sarqyt Berliqan men 53 jastaǵy Oleg Leonıdovıch Tyshkevıchtiń denesin tapty.
«Adyrna» ulttyq portaly
