قر حالىق ءارتىسى، ءانشى روزا رىمباەۆا قازاقستان حالقىن ناۋرىز مەيرامىمەن قۇتتىقتاپ، يمانبەك ەكەۋى شىعارعان "ناۋرىز-دۋمان" ءانىنىڭ رەميكسىن جۇرت نازارىنا ۇسىندى، دەپ حابارلايدى "ادىرنا" ۇلتتىق پورتالى. ءسۇيىنشى حاباردى ءانشى ءوزىنىڭ ينستاگرام پاراقشاسىندا جاريالادى.
"سىزدەر ءۇشىن جاقسى جاڭالىعىم بار. كىم نە دەسە دە، مەن ەلىمىزدىڭ ەستراداسىندا بولىپ جاتقان وزگەرىستەرگە ۇلكەن ماقتانىشپەن قاراپ، ارقاشاندا جاس انشىلەردى، مۋزىكانتتاردى قولداۋعا دايىنمىن. ءبىز يمانبەك ەكەۋمىز بىرىگىپ، "ناۋرىز-دۋمان" ءانىنىڭ رەميكسىن حالىقتىڭ نازارىنا ۇسىندىق. مەنىڭشە سەرىكتەستىگىمىز ءساتتى شىقتى. سىزدەرگە دە ۇنايدى دەگەن سەنىمدەمىن! وسىنداي تىنىشسىز زاماندا ءبىر-بىرىمىزگ قامقور بولايىق، مەيىرىمدىلىك كورسەتەيىك، رەنجىستەرگە جول بەرمەيىك. بەرەكە كوزى - بىرلىكتە", - دەپ جازدى روزا رىمباەۆا.
