QR Halyq ártisi, ánshi Roza Rymbaeva Qazaqstan halqyn Naýryz meıramymen quttyqtap, Imanbek ekeýi shyǵarǵan "Naýryz-dýman" ániniń remıksin jurt nazaryna usyndy, dep habarlaıdy "Adyrna" ulttyq portaly. Súıinshi habardy ánshi óziniń ınstagram paraqshasynda jarııalady.
"Sizder úshin jaqsy jańalyǵym bar. Kim ne dese de, men elimizdiń estradasynda bolyp jatqan ózgeristerge úlken maqtanyshpen qarap, árqashanda jas ánshilerdi, mýzykanttardy qoldaýǵa daıynmyn. Biz Imanbek ekeýmiz birigip, "Naýryz-dýman" ániniń remıksin halyqtyń nazaryna usyndyq. Menińshe seriktestigimiz sátti shyqty. Sizderge de unaıdy degen senimdemin! Osyndaı tynyshsyz zamanda bir-birimizg qamqor bolaıyq, meıirimdilik kórseteıik, renjisterge jol bermeıik. Bereke kózi - birlikte", - dep jazdy Roza Rymbaeva.
