وڭتۇستىك كورەيا مەن جاپونيانىڭ اسكەرلەرى سولتۇستىك كورەيانىڭ جاپون تەڭىزىنە قاراي بەلگىسىز سنارياد ۇشىرعانىن حابارلادى. بۇل تۋرالى Reuters اگەنتتىگى مالىمدەدى، دەپ حابارلايدى “ادىرنا” ۇلتتىق پورتالى.
Reuters اگەنتتىگىنىڭ مالىمەتىنشە، وڭتۇستىك كورەيانىڭ بىرىككەن شتاب باستىقتارى سولتۇستىك كورەيادان بەلگىسىز سنارياد ۇشىرىلعانىن انىقتاپ حابارلاعان.
جاپون ۇكىمەتى دە بۇل اقپاراتتى راستاپ، ونىڭ بالليستيكالىق زىمىران بولۋى مۇمكىن ەكەنىن ايتقان. جاپونيا جاعالاۋ كۇزەتى كەمەلەردى زىمىران سۋعا قۇلاسا، وعان جاقىنداماي، ساق بولۋعا شاقىردى.
وڭتۇستىك كورەيا اسكەرلەرى، بۇل بيىلعى جىلدىڭ باسىنان بەرى كحدر سناريادىنىڭ 11-ءىنشى ۇشىرىلىمى ەكەنىن اتاپ ءوتتى. بۇعان قوسا، اقش پەن وڭتۇستىك كورەيا كحدر بىرىككەن ۇلتتار ۇيىمى قاۋىپسىزدىك كەڭەسىنىڭ (بۇۇ قاۋىپسىزدىك كەڭەسى) قارارلارىن بۇزىپ، 2017 جىلدان بەرى العاش رەت تولىق قاشىقتىققا ۇشاتىن قۇرلىقارالىق بالليستيكالىق زىمىراندى (ICBM) ۇشىرۋعا دايىندالۋى مۇمكىن ەكەنىن ەسكەرتتى.
“ادىرنا” ۇلتتىق پورتالى
