جاپون حالقى: رەسەي مەن قىتايدىڭ تەز ارادا كوزىن قۇرتۋ كەرەك

12102

Yahoo News Japan پورتالىنىڭ وقىرماندارى رەسەيدىڭ اركتيكاداعى جاتتىعۋلارىنا نارازىلىق ءبىلدىردى. سايتتا رەسەي اسكەري-تەڭىز كۇشتەرىنىڭ اركتيكالىق ايماقتاعى مانەۆرلەرى، رەسەيدىڭ اسكەري ينفراقۇرىلىمىن نىعايتۋ، رەسەيدىڭ ەڭ جاڭا قارۋ-جاراعى جانە سولتۇستىك تەڭىزدەگى جوسپارى جايلى ماقالا پايدا بولعان ەدى. جەلى قولدانۋشىلارى مەن ساياساتكەرلەرى كەلەسىدەي پىكىرلەر بىلدىرۋدە: 

«اۋا رايى جىل سايىن جىلىنۋىنا بايلانىستى پورتتار قازىر قىستا دا جۇمىس ىستەيدى. بۇل دەگەنىمىز، جاپونياعا شابۋىل جاساۋ ىقتيمالدىعى ارتتى دەگەندى بىلدىرەدى. رەسەي قىتايمەن بىرگە جاپونيا مەن تايۆانعا سوققى بەرىپ، شابۋىل جاساۋى مۇمكىن. ەندى قىراعىلىقتى جوعالتپاۋ كەرەك. جاپونيا اگرەسسيۆتى ەلدەردىڭ قورشاۋىندا قالدى. يادرولىق قارۋ تۋرالى ويلاناتىن كەز كەلدى. كونستيتۋتسيانى شۇعىل وزگەرتۋ كەرەك»، - دەدى امۋۆە ەسىمدى جەلى قولدانۋشىسى.

«ەگەر ءبىز قىتاي مەن رەسەي سياقتى ديكتاتۋرانى تولىعىمەن جويماساق، الەم بەيبىتشىلىكتى كورمەيدى. ولار ءبارىبىر ازۋ ءتىسىن اقسيتۋدى توقتاتپايدى. ولاردان كەلەر زارداپ وتە ۇلكەن بولادى. ولاردى كەش بولماي تۇرىپ جويۋ كەرەك»، - دەدى كيرك ەسىمدى قولدانۋشى.

«سولتۇستىك تەڭىز جولى رەسەيدىڭ مەنشىگى ەمەس. ەگەر ول قانداي دا ءبىر تالاپ قوياتىن بولسا، جاپونيا شىعىس وتكەلىنىڭ بويىمەن ءوتۋدى ماسكەۋ ءۇشىن شەكتەۋ ارقىلى جاۋاپ بەرۋى كەرەك. جاپونيا سولتۇستىك تەڭىز جولىندا ستراتەگيالىق پوزيتسيانى يەمدەنەدى. رەسەي مەن قىتاي كەمەلەرىنىڭ اتالمىش ايماقتان ءوتۋىن جاۋىپ تاستاۋعا قاۋقارىمىز جەتەدى»، - دەيدى ساياساتتانۋشى ياگۋرو.

جاپونيادا ابە بيلىگى كەتكەن سوڭ، رەسەيگە قارسى قاتاڭ پوزيتسيانى ۇستاناتىن ەسيحيدە بيلىگى كەلدى. ولار كۋريل ارالىن قايتارۋدى ماقسات ەتۋدە.

"ادىرنا" ۇلتتىق پورتالى

 

پىكىرلەر
ۇقساس جاڭالىقتار