اقمولا وبلىسىنىڭ بۋراباي اۋداندىق سوتى ششۋچينسك قالاسىنىڭ ەكى تۇرعىنى، وزدەرىن ء"سالافيتپىز" دەيتىن 30 جاستاعى عالىمجان ابىلقايىروۆ پەن 28 جاستاعى داداش ماجەنوۆتى ەكى ايعا قاماۋ تۋرالى شەشىم شىعاردى.
قامالعانداردىڭ ادۆوكاتى باقىت سۇلەيمەنوۆانىڭ سوزىنشە، ەكەۋىن دە الەۋمەتتىك جەلىلەردە "تەرروريزمدى ناسيحاتتادى" دەگەن كۇدىكپەن ۇستاعان.
- ولار وزدەرىنىڭ ەشنارسە تاراتپاعانىن، تەك ىلگەن اۋديولارىن تىڭداعان ادامدار بولعانىن ايتادى. بىرەۋىنىڭ دوستىعىندا 420 ادام، ەكىنشىسىندە 300 ادام بولعان، — دەيدى ادۆوكات.
عالىمجان ابىلقايىروۆتىڭ ايەلى جادىرا بەكەنوۆا تىيىم سالىنعان ءدىني اۋديو ءدارىستى كۇيەۋى مەن داداش ماجەنوۆتىڭ 2016 جىلى "ۆكونتاكتە" جەلىسى ارقىلى تىڭداعانىن، كەيىننەن ولاردى ءوشىرىپ تاستاعانىن ايتادى.
- بۇل - ەكى جىل بۇرىن بولعان وقيعا. ول كەزدە بۇل فايلدارعا تىيىم سالىنباعان. تەك 2017 جىلى عانا تىيىم سالۋ جونىندە شەشىم شىققان. ودان كەيىن كۇيەۋىم ولاردى بىردەن ءوشىرىپ تاستادى. بىراق ولار ينتەرنەتتىڭ بازاسىندا قالىپ قويادى ەكەن (google-cash بولۋى مۇمكىن. — رەد.), ۇقك تاۋىپ العان، - دەيدى جادىرا بەكەنوۆا.
ونىڭ سوزىنشە، داداش ماجەنوۆ "ۆكونتاكتە" جەلىسىندەگى پاراقشاسىن الدەقاشان ءوشىرىپ تاستاعان.
ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتى بۇل ءىس بويىنشا رەسمي ساۋال جىبەرۋدى سۇراپ، تۇسىنىكتەمە بەرۋدەن باس تارتتى.
ۇقك-ءنىڭ اقمولا وبلىستىق دەپارتامەنتى دە بۇل ىسكە قاتىستى مالىمەت بەرۋدەن باس تارتتى.
بيىل 23 ساۋىردە اقمولا وبلىستىق ۇقك دەپارتامەنتىنىڭ اعا تەرگەۋشىسى تالعات شايمەردەنوۆ كۇدىكتىلەردىڭ تۋىستارىنا عالىمجان ابىلقايىروۆ پەن داداش ماجەنوۆتىڭ ۇستالعانى جانە بۋراباي اۋداندىق ىشكى ىستەر ءبولىمىنىڭ ۋاقىتشا ۇستاۋ يزولياتورىنا جابىلعانى تۋرالى حابارلاعان.
