ماسكەۋ قالالىق دۋماسىنىڭ دەپۋتاتى، رەسەي فەدەراتسياسى كوممۋنيستىك پارتياسىنىڭ (رفكپ) دەپۋتاتى سەرگەي ساۆوستيانوۆ ۋكرايناداعىداي، قازاقستان، بالتىق، مولدوۆا ەلدەرىندە اسكەري وپەراتسيا وتكىزۋدى ۇسىندى، دەپ جازادى "ادىرنا" ۇلتتىق پورتالى.
«ۋكراينانى دەميليتاريزاتسيالاۋ جانە دەناتسيفيكاتسيالاۋ ۋكراينا، رەسەي جانە بۇكىل ەۋروپا حالىقتارى ءۇشىن تۇراقتى قاۋىپسىزدىكتى قامتاماسىز ەتەدى. رەسەي فەدەراتسياسىنىڭ قاۋىپسىزدىگىن قامتاماسىز ەتۋدىڭ نەعۇرلىم تولىق پروتسەسى ءۇشىن ۋكراينادان باسقا بالتىق جاعالاۋى ەلدەرىن (ليتۆا، لاتۆيا، ەستونيا – جۋر.تۇسىندىرمەسى), پولشا، مولدوۆا جانە قازاقستاندى دەناتسيفيكاتسيالاۋدى ورىندى دەپ سانايمىن" دەدى دەپۋتات.
قۇجاتتى الەۋمەتتىك جەلىدەگى پاراقشاسىندا فەدەرالدى بيۋرو مۇشەسى، رەسەيلىك «يابلوكو» پارتياسى ماسكەۋدەگى فيليالى باسشىسىنىڭ ورىنباسارى كيريلل گونچاروۆ جاريالادى.
«ۇيات»، - دەپ ءتۇسىندىردى گونچاروۆتىڭ ءوزى ساۆوستيانوۆتىڭ يدەياسىنا.
ايتا كەتەيىك، 24 اقپاندا ۋكرايناعا باسىپ كىرىپ، وندا قاندى سوعىستى باستاعان رەسەي اسكەرلەرىنىڭ ماقساتى «دەميليتاريزاتسيا» مەن «دەناتسيفيكاتسيالاۋ» بولىپ تابىلادى.
"ادىرنا" ۇلتتىق پورتالى
