ءبىلىم جانە عىلىم ءمينيسترى اسحات ايماعامبەتوۆ نازارباەۆ ۋنيۆەرسيتەتىندە بولعان جاعدايدى ەستىمەگەنىن ايتتى، دەپ حابارلايدى "ادىرنا" ۇلتتىق پورتالى ulysmedia.kz-كە سىلتەمە جاساپ.
وندا IT دەپارتامەنتىنىڭ قىزمەتكەرى كابينەتىنىڭ ەسىگىنە «zا ناشيح» دەگەن پلاكات ءىلىپ قويعان بولاتىن. ءمينيستردىڭ ايتۋىنشا، نازارباەۆ ۋنيۆەرسيتەتىنىڭ دەربەس مارتەبەسى، جەكە زاڭى بار جانە ءبىلىم جانە عىلىم مينيسترلىگىنە ەسەپ بەرمەيدى. ءبىلىم بەرۋ قىزمەتكەرلەرىنىڭ ادەپ كودەكسى بۇل جوو قىزمەتكەرلەرىنە قولدانىلمايدى. سونداي-مينيستر بۇل جاعدايدان حابارسىز ەكەنىن دە ايتتى.
«مۇنىڭ ءبارى مۇعالىمدەردىڭ، ءبىلىم بەرۋ ۇيىمدارى پەداگوگتارىنىڭ ادەپ كودەكسىندە جازىلعان. وعان سايكەس، ولارعا اتا-انا، وقۋشى جانە ارىپتەستەرىمەن قارىم-قاتىناس كەزىندە ءوز ۇستانىمىن، ونىڭ ىشىندە ساياسي ۇستانىمىن تاڭۋىنا جول بەرىلمەيدى. ساباقتى دا تەك وقۋ باعدارلاماسى اياسىندا وتكىزۋگە ءتيىس. زاڭنامانى بۇزاتىن كەيبىر نارسەلەردى ناسيحاتتاۋىنا بولمايدى. بىراق بۇل كودەكس ءبىزدىڭ مەكتەپتەرگە قولدانىلادى، نازارباەۆ ۋنيۆەرسيتەتىنە قولدانىلمايدى» - دەيدى ول.
ۋنيۆەرسيتەتتىڭ جانە نازارباەۆ اتىنداعى مەكتەپتەردىڭ دەربەس مارتەبەسىن قايتا قاراۋ تۋرالى ماسەلە بعم-ءنىڭ كۇن تارتىبىندە تۇرعان جوق، بىراق ەگەر باسقارما وسىنداي شەشىم شىعارسا، ولاردى قارجىلاندىرۋ قىسقارتىلۋى مۇمكىن.
«مەنىڭشە، جاي عانا ءبىر ساتتىك تەندەنتسيالارعا نازار اۋدارىپ، 20 مەكتەپتى جاۋىپ تاستاعان ءجون بولمايدى. بۇل مەكتەپتەر جۇمىس ىستەۋى كەرەك، ال ىشكى جاعدايى مەن جۇمىس مەحانيزمى – مەكتەپتىڭ ءوزى، باسقارۋشى كوميتەتتەرى قارايتىن ماسەلە»، – دەدى ۆەدومستۆو باسشىسى.
ايتا كەتسەك، مۇنىڭ الدىندا باس پروكۋراتۋرا قازاقستان ازاماتىنىڭ شەت مەملەكەت اۋماعىنداعى سوعىس قيمىلدارىنا قاساقانا قۇقىققا قايشى قاتىسۋى، سول سياقتى ۇلتتىق الاۋىزدىقتى قوزدىرۋعا باعىتتالعان قاساقانا ءىس-ارەكەتتەرى، بۇقارالىق اقپارات قۇرالدارىن نەمەسە تەلەكوممۋنيكاتسيا جەلىلەرىن پايدالانا وتىرىپ، قازاقستاننىڭ تۇتاستىعىن، ونىڭ اۋماعىنا قول سۇعىلماۋىن جانە بولىنبەۋىن بۇزۋعا جاريا تۇردە شاقىرۋ قىلمىستىق جازالاناتىن ارەكەتتەر بولىپ تابىلاتىنىن (قك-ءنىڭ 172, 174, 180-باپتارى) ەسكەرتكەن بولاتىن.
"ادىرنا" ۇلتتىق پورتالى
