Bılım jäne ǧylym ministrı Ashat Aimaǧambetov Nazarbaev universitetınde bolǧan jaǧdaidy estımegenın aitty, dep habarlaidy "Adyrna" ūlttyq portaly ulysmedia.kz-ke sılteme jasap.
Onda IT departamentınıŋ qyzmetkerı kabinetınıŋ esıgıne «za naşih» degen plakat ılıp qoiǧan bolatyn. Ministrdıŋ aituynşa, Nazarbaev universitetınıŋ derbes märtebesı, jeke zaŋy bar jäne bılım jäne ǧylym ministrlıgıne esep bermeidı. Bılım beru qyzmetkerlerınıŋ Ädep kodeksı būl JOO qyzmetkerlerıne qoldanylmaidy. Sondai-ministr būl jaǧdaidan habarsyz ekenın de aitty.
«Mūnyŋ bärı mūǧalımderdıŋ, bılım beru ūiymdary pedagogtarynyŋ Ädep kodeksınde jazylǧan. Oǧan säikes, olarǧa ata-ana, oquşy jäne ärıptesterımen qarym-qatynas kezınde öz ūstanymyn, onyŋ ışınde saiasi ūstanymyn taŋuyna jol berılmeidı. Sabaqty da tek oqu baǧdarlamasy aiasynda ötkızuge tiıs. Zaŋnamany būzatyn keibır närselerdı nasihattauyna bolmaidy. Bıraq būl kodeks bızdıŋ mektepterge qoldanylady, Nazarbaev universitetıne qoldanylmaidy» - deidı ol.Universitettıŋ jäne Nazarbaev atyndaǧy mektepterdıŋ derbes märtebesın qaita qarau turaly mäsele BǦM-nıŋ kün tärtıbınde tūrǧan joq, bıraq eger basqarma osyndai şeşım şyǧarsa, olardy qarjylandyru qysqartyluy mümkın.
«Menıŋşe, jai ǧana bır sättık tendensiialarǧa nazar audaryp, 20 mekteptı jauyp tastaǧan jön bolmaidy. Būl mektepter jūmys ısteuı kerek, al ışkı jaǧdaiy men jūmys mehanizmı – mekteptıŋ özı, basqaruşy komitetterı qaraityn mäsele», – dedı vedomstvo basşysy.Aita ketsek, mūnyŋ aldynda Bas prokuratura Qazaqstan azamatynyŋ şet memleket aumaǧyndaǧy soǧys qimyldaryna qasaqana qūqyqqa qaişy qatysuy, sol siiaqty ūlttyq alauyzdyqty qozdyruǧa baǧyttalǧan qasaqana ıs-äreketterı, būqaralyq aqparat qūraldaryn nemese telekommunikasiia jelılerın paidalana otyryp, Qazaqstannyŋ tūtastyǧyn, onyŋ aumaǧyna qol sūǧylmauyn jäne bölınbeuın būzuǧa jariia türde şaqyru qylmystyq jazalanatyn äreketter bolyp tabylatynyn (QK-nıŋ 172, 174, 180-baptary) eskertken bolatyn.
"Adyrna" ūlttyq portaly
