قىزىلوردا وبلىسى اكىمىنىڭ ورىنباسارى قايرات نۇرتاي بارشا مۇسىلمان قاۋىمى ءۇشىن قاسيەتتى – رامازان ايى قارساڭىندا يمامدارمەن كەزدەستى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا «رامازان» ايىنىڭ باستالۋىمەن قۇتتىقتاپ، مۇسىلمان قاۋىمى مەن مەشىت جاماعاتتارىنىڭ ىزگى امالدارى، دۇعا-تىلەكتەرىنىڭ قابىل بولۋىنا نيەت ءبىلدىردى.
سونىمەن قاتار، مەملەكەت باسشىسىنىڭ بيىلعى جولداۋىنداعى نەگىزگى مىندەتتەر مەن باسىمدىقتارعا تۇسىندىرمە جاساپ، جاڭا قازاقستاندى قۇرۋداعى العىشارتتاردى اتاپ ءوتتى.
وبلىس يمامدارىنىڭ قوعام تۇراقتىلىعىن ساقتاۋداعى ۇلەستەرىنە ءىلتيپات ءبىلدىرىپ، ەلدىكتى ساقتاۋ، تۇراقتى دامۋعا بىرگە ۇلەس قوسۋعا شاقىردى.
كەزدەسۋ سوڭىندا ايماقتىڭ ءدىني تۇراقتىلىعىن ساقتاۋدا اتقارار بىرلەسكەن شارالار بويىنشا پىكىر الماسىپ، يمامدار ءوز كەزەگىندە وبلىس اكىمىنىڭ ورىنباسارىنا قىزمەتىنە ساتتىلىكتەر تىلەدى.
"ادىرنا" ۇلتتىق پورتالى
