Qyzylorda oblysy ákiminiń orynbasary Qaırat Nurtaı barsha musylman qaýymy úshin qasıetti – Ramazan aıy qarsańynda ımamdarmen kezdesti, dep habarlaıdy "Adyrna" ulttyq portaly.
Kezdesý barysynda «Ramazan» aıynyń bastalýymen quttyqtap, musylman qaýymy men meshit jamaǵattarynyń izgi amaldary, duǵa-tilekteriniń qabyl bolýyna nıet bildirdi.
Sonymen qatar, Memleket basshysynyń bıylǵy Joldaýyndaǵy negizgi mindetter men basymdyqtarǵa túsindirme jasap, Jańa Qazaqstandy qurýdaǵy alǵysharttardy atap ótti.
Oblys ımamdarynyń qoǵam turaqtylyǵyn saqtaýdaǵy úlesterine iltıpat bildirip, eldikti saqtaý, turaqty damýǵa birge úles qosýǵa shaqyrdy.
Kezdesý sońynda aımaqtyń dinı turaqtylyǵyn saqtaýda atqarar birlesken sharalar boıynsha pikir almasyp, ımamdar óz kezeginde oblys ákiminiń orynbasaryna qyzmetine sáttilikter tiledi.
"Adyrna" ulttyq portaly
