شىمكەنت قالاسى اكىمى مۇرات ايتەنوۆتىڭ اۋدان تۇرعىندارىمەن كەزدەسۋى جالعاسۋدا. كەزەكتى كەزدەسۋگە ەڭبەكشى اۋدانىنىڭ ابدۋللاباد، بازارقاقپا، تۇردىابات، بادام-1, ايناتاس، جىلانبۇزعان، توعىس، ەلتاي، ماياتاس تۇرعىن الابى جانە شاڭىراق شاعىناۋدانىنىڭ تۇرعىندارى قاتىستى.
اۋەلى قالا اكىمى 2021 جىلى الەۋمەتتىك-ەكونوميكالىق دامۋى مەن ينجەنەرلىك-ينفراقۇرىلىممەن قامتىلۋى تۋرالى بايانداپ، وسى جىلعى جوسپارلاردى مالىمدەدى.
اۋدانداعى 35 ەلدى مەكەندە 300 مىڭنان استام حالىق قونىستانعان. ەلدى مەكەندەردىڭ اۋىز سۋمەن قامتىلۋى 94,4%، ساپالى ەلەكتر 96,5%، تابيعي گاز 90,7% جانە كارىز جۇيەسىمەن 57 پايىز قامتىلعان. ەلدى مەكەندەردى ينفراقۇرىلىممەن تولىق قامتۋىلۋى تۋرالى اۋدان اكىمى د.ەسىلبەك بايانداپ بەردى.
كەزدەسۋدە تۇرعىندار تاراپىنان قويىلعان سۇراقتاردىڭ اربىرىنە قالا باسشىسى ناقتى جاۋاپتار بەردى.
جيىن سوڭىندا م.ايتەنوۆ ءاربىر تۇرعىننىڭ تالاپ-تىلەكتەرى ەسكەرىلەتىنىن، كۇردەلىلىگىنە بايلانىستى ورتا جانە ۇزاق مەرزىمدە قارالاتىنىن جەتكىزدى.
