Shymkent qalasy ákimi Murat Áıtenovtiń aýdan turǵyndarymen kezdesýi jalǵasýda. Kezekti kezdesýge Eńbekshi aýdanynyń Abdýllabad, Bazarqaqpa, Turdyabat, Badam-1, Aınatas, Jylanbuzǵan, Toǵys, Eltaı, Maıatas turǵyn alaby jáne Shańyraq shaǵynaýdanynyń turǵyndary qatysty.
Áýeli qala ákimi 2021 jyly áleýmettik-ekonomıkalyq damýy men ınjenerlik-ınfraqurylymmen qamtylýy týraly baıandap, osy jylǵy josparlardy málimdedi.
Aýdandaǵy 35 eldi mekende 300 myńnan astam halyq qonystanǵan. Eldi mekenderdiń aýyz sýmen qamtylýy 94,4%, sapaly elektr 96,5%, tabıǵı gaz 90,7% jáne káriz júıesimen 57 paıyz qamtylǵan. Eldi mekenderdi ınfraqurylymmen tolyq qamtýylýy týraly aýdan ákimi D.Esilbek baıandap berdi.
Kezdesýde turǵyndar tarapynan qoıylǵan suraqtardyń árbirine qala basshysy naqty jaýaptar berdi.
Jıyn sońynda M.Áıtenov árbir turǵynnyń talap-tilekteri eskeriletinin, kúrdeliligine baılanysty orta jáne uzaq merzimde qaralatynyn jetkizdi.
