قر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2022 جىلعى قاڭتار-ناۋرىز ايلارىنداعى الەۋمەتتىك-ەكونوميكالىق دامۋ قورىتىندىلارى جانە وتاندىق عىلىمدى دامىتۋ ماسەلەلەرى قارالدى.
قر ۇلتتىق ەكونوميكا ءمينيسترى ءا.قۋانتىروۆ ءۇش ايدا ەل ەكونوميكاسىنىڭ ءوسۋ قارقىنى 4,4 پايىزعا جەدەلدەگەنىن اتاپ ءوتتى. تاۋ-كەن ءوندىرۋ ونەركاسىبىن ەسەپكە الماعاندا ينۆەستيتسيالاردىڭ ءوسۋ قارقىنى 0,6 پايىزدى قۇرادى. اتاپ ايتقاندا، قۇرىلىس، ءبىلىم بەرۋ، مەملەكەتتىك باسقارۋ، الەۋمەتتىك قامسىزداندىرۋ، ساۋدا، جىلجىمايتىن مۇلىك پەن وپەراتسيالار سالالارىندا ءوسىم بار.
ينۆەستيتسيا تارتۋ بويىنشا شىمكەنت قالاسى، اقمولا، ماڭعىستاۋ وبلىستارىندا جوعارى ءوسىم بايقالىپ وتىر. شىمكەنت قالاسىندا وتكەن جىلدىڭ ءتيىستى كەزەڭىمەن سالىستىرعاندا ينۆەستيتسيا تارتۋ كولەمى 84 پايىزعا ارتقان. شاھاردا جەتى نەگىزگى ماكروكورسەتكىش بويىنشا وڭ ءوسىم تىركەلدى.
وڭدەۋ ونەركاسىبى بويىنشا بارلىق ءوڭىر وڭ ديناميكاعا قول جەتكىزگەن. شىمكەنت قالاسىندا وتكەن جىلمەن سالىستىرعاندا بۇل كورسەتكىش 4,1 پايىزدى قۇرايدى. ەسەپتى كەزەڭدە ەلىمىزدە 2.9 ملن شارشى مەتر تۇرعىن ءۇي پايدالانۋعا بەرىلدى. شىمكەنتتە بۇل كورسەتكىش وتكەن جىلدىڭ ءتيىستى كەزەڭىمەن سالىستىرعاندا 9,1 پايىزعا ارتىپ وتىر.
قر پرەمەر-ءمينيسترى قازىرگى كۇردەلى كەزەڭدە ەكونوميكانىڭ ءوسۋ قارقىنىن ساقتاي وتىرىپ، ءارى قاراي جەدەلدەتۋ اسا ماڭىزدى مىندەت ەكەنىن ايتتى. حالىقتىڭ تابىسىن ارتتىرۋ، جۇمىس ورىندارىن قۇرۋدى بارىنشا كۇشەيتۋ قاجەت.
