QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda elimizdiń 2022 jylǵy qańtar-naýryz aılaryndaǵy áleýmettik-ekonomıkalyq damý qorytyndylary jáne otandyq ǵylymdy damytý máseleleri qaraldy.
QR Ulttyq ekonomıka mınıstri Á.Qýantyrov úsh aıda el ekonomıkasynyń ósý qarqyny 4,4 paıyzǵa jedeldegenin atap ótti. Taý-ken óndirý ónerkásibin esepke almaǵanda ınvestıııalardyń ósý qarqyny 0,6 paıyzdy qurady. Atap aıtqanda, qurylys, bilim berý, memlekettik basqarý, áleýmettik qamsyzdandyrý, saýda, jyljymaıtyn múlik pen operaııalar salalarynda ósim bar.
Investıııa tartý boıynsha Shymkent qalasy, Aqmola, Mańǵystaý oblystarynda joǵary ósim baıqalyp otyr. Shymkent qalasynda ótken jyldyń tıisti kezeńimen salystyrǵanda ınvestıııa tartý kólemi 84 paıyzǵa artqan. Shaharda jeti negizgi makrokórsetkish boıynsha oń ósim tirkeldi.
Óńdeý ónerkásibi boıynsha barlyq óńir oń dınamıkaǵa qol jetkizgen. Shymkent qalasynda ótken jylmen salystyrǵanda bul kórsetkish 4,1 paıyzdy quraıdy. Esepti kezeńde elimizde 2.9 mln sharshy metr turǵyn úı paıdalanýǵa berildi. Shymkentte bul kórsetkish ótken jyldyń tıisti kezeńimen salystyrǵanda 9,1 paıyzǵa artyp otyr.
QR Premer-Mınıstri qazirgi kúrdeli kezeńde ekonomıkanyń ósý qarqynyn saqtaı otyryp, ári qaraı jedeldetý asa mańyzdy mindet ekenin aıtty. Halyqtyń tabysyn arttyrý, jumys oryndaryn qurýdy barynsha kúsheıtý qajet.
