مۇحتار تايجان «HARD-talk» باعدارلاماسىنا سۇحبات بەردى.
ءجۋرناليستىڭ «نە ءۇشىن پارتيا قۇرىپ جاتىرسىز؟ وعان قاراجاتتى قايدان الاسىز؟ «جەر قورعانى» پارتياسى كەيىن «ادال» پارتياسىنىڭ كۇيىن كەشپەي مە؟» دەگەن ساۋالىنا م.تايجان:
«مەن شىنىمەن دە دەپۋتاتتىقتى كوزدەسەم، باياعىدا «نۇر-وتان» پارتياسىنا كىرىپ، جىلى جەردە، ءبىر كرەسلودا وتىراتىن ەدىم. بىراق، ماعان ونداي بيلىك قاجەت ەمەس. بىرىنشىدەن، مەنىڭ پارتيام حالىققا ادال بولادى. مەن 5-6 جىل جۇمىسشى توپتارعا بارىپ، سولاردىڭ قاتارىندا بولدىم. سونداعى تۇسىنگەنىم، ۇگىت-ناسيحات جۇرگىزۋ ءۇشىن كوپ ەنەرگيا كەتەدى. بىراق ناتيجە شامالى. سوندىقتان ءبىز بيلىككە كەلۋىمىز كەرەك. ەرەكەڭ رەنجىمەسىن، بىراق «امانات» پارتياسىنىڭ ورنىنا ءبىز وتىرۋىمىز كەرەك دەپ ەسەپتەيمىن. مامان، ءبىلىم، تاجىريبە جاعىنان ەشقانداي كەمشىلىگىمىز جوق. حالىققا ادال بولدىق. بىلتىرعى سايلاۋعا قاتىسۋعا نۇر-وتاننان ماعان دا ۇسىنىس ءتۇستى. مەنىڭ دە دەپۋتات بولۋعا مۇمكىندىگىم بولدى. الايدا مەنىڭ كوزقاراسىم مەن پرينتسيپتەرىم وعان ساي ەمەس. ەكىنشىدەن بۇل پارتيادان مەنىڭ اكەم باس تارتقان. مەن وعان قالاي بارام؟ پارتيا نە ءۇشىن قۇرىلادى؟ بيلىكتى قولعا الۋ ءۇشىن. سوندىقتان ءبىز باسەكەلەسەمىز. ەڭ باستىسى — اقشا ەمەس، يدەيا جانە حالىقتىڭ سەنىمى. حالىققا ءوز ويىڭدى جەتكىزۋ ءۇشىن گازەتكە ماقالا بەرۋدىڭ قاجەتى جوق، الەۋمەتتىك جەلىلەر جەتىپ جاتىر. سوندىقتان قالىڭ قاراجاتسىز دا جۇمىستى اتقارا بەرەمىن. ءبىزدىڭ پارتيامىز ەشبىر وليگارحقا تاۋەلدى بولمايدى. ونى مەن ناقتى ايتا الامىن» — دەپ جاۋاپ بەردى.
“ادىرنا” ۇلتتىق پورتالى
