Muhtar Taıjan «HARD-talk» baǵdarlamasyna suhbat berdi.
Jýrnalıstiń «Ne úshin partııa quryp jatyrsyz? Oǵan qarajatty qaıdan alasyz? «Jer qorǵany» partııasy keıin «Adal» partııasynyń kúıin keshpeı me?» degen saýalyna M.Taıjan:
«Men shynymen de depýtattyqty kózdesem, baıaǵyda «Nur-Otan» partııasyna kirip, jyly jerde, bir kresloda otyratyn edim. Biraq, maǵan ondaı bılik qajet emes. Birinshiden, meniń partııam halyqqa adal bolady. Men 5-6 jyl jumysshy toptarǵa baryp, solardyń qatarynda boldym. Sondaǵy túsingenim, úgit-nasıhat júrgizý úshin kóp energııa ketedi. Biraq nátıje shamaly. Sondyqtan biz bılikke kelýimiz kerek. Erekeń renjimesin, biraq «Amanat» partııasynyń ornyna biz otyrýymyz kerek dep esepteımin. Maman, bilim, tájirıbe jaǵynan eshqandaı kemshiligimiz joq. Halyqqa adal boldyq. Byltyrǵy saılaýǵa qatysýǵa Nur-Otannan maǵan da usynys tústi. Meniń de depýtat bolýǵa múmkindigim boldy. Alaıda meniń kózqarasym men prınıpterim oǵan saı emes. Ekinshiden bul partııadan meniń ákem bas tartqan. Men oǵan qalaı baram? Partııa ne úshin qurylady? Bılikti qolǵa alý úshin. Sondyqtan biz básekelesemiz. Eń bastysy — aqsha emes, ıdeıa jáne halyqtyń senimi. Halyqqa óz oıyńdy jetkizý úshin gazetke maqala berýdiń qajeti joq, áleýmettik jeliler jetip jatyr. Sondyqtan qalyń qarajatsyz da jumysty atqara beremin. Bizdiń partııamyz eshbir olıgarhqa táýeldi bolmaıdy. Ony men naqty aıta alamyn» — dep jaýap berdi.
“Adyrna” ulttyq portaly
