بۇگىن اقپاراتتىق-كوممۋنيكاتسيالىق ورتالىعىندا شىمكەنت قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى باۋىرجان تۇمانباەۆ وسىلاي دەپ مالىمدەدى. باسقارما باسشىسى 2021 جىلى اتقارعان جۇمىستارىن قورتىندىلاپ الداعى جوسپارلارى تۋرالى ءسوز قوزعادى.
باۋىرجان تۇمانباەۆتىڭ ايتۋىنشا، قالادا سپورتپەن جۇيەلى تۇردە شۇعىلداناتىن ازاماتتار سانى 353 752 ادامدى قۇرايدى.
- بيىلعى جىلدىڭ ماڭىزدى ءىس شاراسىنىڭ ءبىرى قىركۇيەك ايىندا قىتاي ەلىندە وتەتىن ءحىح جازعى ازيا ويىندارى. ۇلتتىق قۇراما ساپىندا سپورتتىڭ 23 تۇرىنەن 58 ۇمىتكەر سپورتشىمىز قاتىسادى دەپ جوسپارلانۋدا. ولار قازىرگى تاڭدا قر ۇلتتىق قۇراما ساپىندا تىڭعىلىقتى دايىندىق جۇمىستارىن جۇرگىزۋدە -دەدى سپيكەر.
2021 جىلى شىمكەنت قالاسىنىڭ سپورتشىلارى جاس ەرەكشەلىكتەرىنە سايكەس ۇلتتىق قۇراما ساپىندا مما-دان الەم چەمپيوناتىنا بوكس، تاەكۆوندو، بايداركا جانە گاندبولدان ازيا چەمپيوناتتارىنا جانە قالامىزدىڭ قۇراما كومانداسىنىڭ سپورتشىلارى 42 سپورت تۇرىنەن قازاقستان رەسپۋبليكاسىنىڭ چەمپيوناتتارىنا قاتىستى.
ناتيجەسىندە:
- الەم چەمپيوناتىندا جالپى 1 التىن، 1 كۇمىس، 1 قولا مەدال;
- ازيا چەمپيوناتتارىندا 16 التىن، 8 كۇمىس، 16 قولا مەدال;
- قازاقستان رەسپۋبليكاسىنىڭ چەمپيوناتتارىندا 208 التىن، 175 كۇمىس، 212 قولا مەدالعا قول جەتكىزگەن.
بۇقارالىق سپورتتىڭ جاعدايى مەن دامۋى قاجەتتى سپورتتىق ينفراقۇرىلىمنىڭ بولۋىنا بايلانىستى ەكەنىن دە تىلگە تيەك ەتكەن سپيكەر، قازىرگى ۋاقىتتا قالا بويىنشا سپورتتىق نىساندار سانى 933-كە جەتكەنىن، 2021 جىلى قالا اۋماعىنداعى تۇرعىن الاپتار مەن شاعىن اۋدانداردا سپورتتىق ينفراقۇرىلىمدى دامىتۋ ماقساتىندا 115 سپورت الاڭشانىڭ قۇرىلىسى جۇرگىزىلگەنىن ايتىپ ءوتتى.
