"مايىتكە 2 اپتا بولعان دەدى": ءمايىتى قىرعىزستاندا تابىلعان ساربازدىڭ تۋىستارى سوتقا شاعىم تۇسىرمەك

2382
Adyrna.kz Telegram

جامبىلداعى اسكەري بولىمدە جوعالىپ كەتىپ، 39 كۇندە دەنەسى تاۋدان تابىلعان ۇلىقبەك بەردىشەۆتىڭ جاقىندارى سوتقا ارىزدانباق. ولاردىڭ ايتۋىنشا، بىرەۋلەردەن قىسىم كورۋى مۇمكىن  ەكەن. سوندىقتان تۋىستارى كىنالىلەردىڭ جازالانۋىن تالاپ ەتۋدە، دەپ حابارلايدى “ادىرنا” ۇلتتىق پورتالى Astana ارناسىنا سىلتەمە جاساپ. 

“مەديتسينا ساراپتاما جاساعان ماماندارعا وسىنداي سۇراق قويدىم. مىنا مايىتكە قانشا ۋاقىت بولعان، قانشا كۇن بولعان دەگەنىمدە. ءارى كەتكەندە 1,5-2 اپتا بولدى دەدى. سوندا قالعان ۋاقىتتا بۇل بالا قايدا بولدى، كىم ۇستاپ وتىردى. سۋيتسيدكە كىم جەتكىزدى بۇل بالانى؟ كۇدىك كوپ، كۇمان كوپ، سۇراق كوپ. سونىڭ جاۋابىن بىزگە كىم بەرە الادى؟", - دەيدى ۇلىقبەك بەردىشەۆتىڭ تۋىسى دارىگۇل جۇماعاليەۆا. 

ساربازدىڭ دەنەسىنە تاراز قالاسىندا سوت مەديتسينالىق ساراپتاما جاسالعان. تۋىستارىنىڭ ايتۋىنشا، ونىڭ قورىتىندىسى 1 ايدىڭ كولەمىندە بەلگىلى بولادى.  13 ساۋىردە جاقىندارى ۇلىقبەكتىڭ دەنەسىن جەر قوينىنا تاپسىردى. 

ەسكە سالايىق، جامبىلداعى شەكارا قىزمەتىندەگى "انداس باتىر" زاستاۆاسىندا اسكەري بورىشىن وتەپ جۇرگەن ۇلىقبەك بەردىشوۆ 2 ناۋرىزدا ءىز-ءتۇسسىز جوعالعان ەدى. ارادا ءبىر جارىم اي وتكەندە ونىڭ ءمايىتى قىرعىزستان شەكاراسىنان، تاۋدا اسىلىپ تۇرعان كۇيدە تابىلدى.

ادىرنا” ۇلتتىق پورتالى

پىكىرلەر