Jambyldaǧy äskeri bölımde joǧalyp ketıp, 39 künde denesı taudan tabylǧan Ūlyqbek Berdışevtyŋ jaqyndary sotqa aryzdanbaq. Olardyŋ aituynşa, bıreulerden qysym köruı mümkın eken. Sondyqtan tuystary kınälılerdıŋ jazalanuyn talap etude, dep habarlaidy “Adyrna” ūlttyq portaly Astana arnasyna sılteme jasap.
“Medisina saraptama jasaǧan mamandarǧa osyndai sūraq qoidym. Myna mäiıtke qanşa uaqyt bolǧan, qanşa kün bolǧan degenımde. Ärı ketkende 1,5-2 apta boldy dedı. Sonda qalǧan uaqytta būl bala qaida boldy, kım ūstap otyrdy. Suisidke kım jetkızdı būl balany? Küdık köp, kümän köp, sūraq köp. Sonyŋ jauabyn bızge kım bere alady?", - deidı Ūlyqbek Berdışevtıŋ tuysy Därıgül Jūmaǧalieva.
Sarbazdyŋ denesıne Taraz qalasynda sot medisinalyq saraptama jasalǧan. Tuystarynyŋ aituynşa, onyŋ qorytyndysy 1 aidyŋ kölemınde belgılı bolady. 13 säuırde jaqyndary Ūlyqbektıŋ denesın jer qoinyna tapsyrdy.
Eske salaiyq, Jambyldaǧy şekara qyzmetındegı "Andas batyr" zastavasynda äskeri boryşyn ötep jürgen Ūlyqbek Berdışov 2 nauryzda ız-tüssız joǧalǧan edı. Arada bır jarym ai ötkende onyŋ mäiıtı Qyrǧyzstan şekarasynan, tauda asylyp tūrǧan küide tabyldy.
“Adyrna” ūlttyq portaly
