قاراقالپاقستان تۇرعىنى، 44 جاستاعى ازات جۇمانيازوۆ قازاقستانعا جۇمىس ىستەۋگە كەتكەن، بىراق قاڭتار وقيعاسىنان كەيىن تۋىستارى ونىمەن بايلانىسا الماي جاتىر، دەپ حابارلايدى “ادىرنا” ۇلتتىق پورتالى الماتى تەلەارناسىنا سىلتەپ.
«ازاتتىڭ ايەلى كۇندە جىلايدى. قوڭىراۋ شالىپ، ىزدەۋ ناتيجەلەرى تۋرالى سۇرايدى. ونىڭ بەس جاسار قىزى دا ۇنەمى «اكەم قايدا؟» دەپ سۇراۋدا. ول الاڭعا شىققان جوق دەپ ويلايمىن. ويتكەنى 5 قاڭتاردا ونىڭ تەلەفونى دولان اۋىلىنىڭ ماڭىندا ءوشىپ قالعان. الماتىدا ميتينگ ءوتتى. ول سوندا بارا الا ما؟ مەنىڭ ويىمشا، ولاي ەمەس»، – دەيدى جوعالعان ازاماتتىڭ اعاسى نۇرلان وتەنيازوۆ.
ازاتتىڭ تۋىستارى ونىڭ ءتىرى ەكەنىنە ءۇمىتتى. سەبەبى، ەر ادامنىڭ دەنەسى ەشبىر ءمايىتحانادان تابىلمادى. ەرىكتىلەر ەرىكتى ىزدەۋگە كىرىسكەن، بىراق بۇل ناتيجە بەرمەگەن. ازات جۇمانيازوۆتاردىڭ وتباسى پوليتسياعا كومەك سۇراپ جۇگىنگەن.
«بۇل دەرەك الاتاۋ اۋدانىنىڭ ءىىب-نا تىركەلدى. ىزدەستىرۋ ءىسى باستالدى، ارنايى تەرگەۋ-جەدەل توبى قۇرىلدى، ونىڭ ارەكەتى ءىز-ءتۇزسىز جوعالعان ادامدى ىزدەستىرۋ جانە ونىڭ تۇرعان جەرىن انىقتاۋعا باعىتتالعان»، - دەدى الماتى قالالىق ءىىد رەسمي وكىلى سالتانات ازىربەك.
پوليتسەيلەر جۇمانيازوۆتىڭ قايدا ەكەنى تۋرالى اقپارات بىلەتىن كەز كەلگەن ادامدى 102 نومىرىنە حابارلاسۋعا شاقىردى.
“ادىرنا” ۇلتتىق پورتالى
